An motorcycle zong a kuai dih ti awk a si. A hmantlak zoh tikah an i khawn ning zong a fak ti a lang. Mipi nih an zawn hnawh colh hna i lam nai bik sizung ah a tlik pi hna.
An kum hi kum 21 hrawng veve an si lai tiah zumh a si. Minung pakhat kong hi cu theih a si rih lo. Kawl zong a si kho men. Minung pakhat kong cu biafang kan thei rih lo. Thingkung aa hngohmi hi theih rih lomi a si i, vawlei ah a itmi tu hi Salai Van Ro Thang a si.
Pyituh Sizung ah an tlik pi colh hna tiah theih a si. Minung pakhat kong cu kan thei rih lo. Minung pakhat tu cu Surngen khua Pu Thlua Hmung le Pi Dua Hlawng i an fapa Salai Van Ro Thang a si. A kum hnihnak Chemestry Honour a kai lio a si. Salai Van Ro Thang hi bochan ngaimi le mifel ngai pasal tha a si tiah a theimi pakhat nih The Chohlei Post sinah a chim.
An i pahnak hmun i Cuhtungpin Sang i lam a pahnihnak le a pathumnak karlak ah a si tiah thawngpang kan theih. Zeiruang ah dah an i pah ning a si timi fiang tein kan thei rih lo. Thawngpang fiang deuh in update kan vun tuah than te lai.