United States of America President biakamnak ni le caan a vun phak taktak cang ah cun a ropui kho tuk. Kum 100 chungah voikhat lawng an tuahmi hlah maw a si ti awktlak in a um. Inauguration Service live in a zohmi nih cun kan hmuh dih i, zeitluk in dah a ropui timi kan hmuh.
A rak sunlawi tuk lioah zalonnak hman thiam lo pawl zong an rak um ve. Donald Trump a duh lomi fak tuk in Washington DC ah an rak buai ve. Police hmanh nih kham awk le thloh awk tha loin an um cang. Zei bantuk minung dek an si hnga. Gay maw an si hnga, mi hrokhrol maw an si hnga, theih an si lo.
Motor thlalang, inn thlalawng le thil dangdang an hrawh i an khuai hna. Police he zong in fak tuk in an i khawngdeng hna. Nu, miphun, mipem, khuacaan, drug le a dangdang kongah a aumi pawl an si. Buainak sertu chungah an aumi cu 'Let Freedom Ring, Free Palestinian tbk hna an si.
Fak deuh chin lengmang sandahpiah an tim than. President biakamnak an tuah hnu i Inn Raang ah Trump a luh tiang zong sandahpiahnak a dih lai lo. Nirukni zong ah nu 100,000 leng lam an zawh lai. President biakamnak ni ah sandahpiahtu hi kum tin in an rak um lengmang. 1913 in a rak um cang.
Richard Nixon biakamnak tuah lio zong ah an rak buai. George W. Bush lio zong ah an rak buai. Inaugural History expert Jim Bendat nih a chimmi cu 'thimnak tuah lioah a lungtling lomi pawl Washington ah an ruahnak an langhternak phun khat a si ko. Democracy muru cu pei a si cu' tiah tiah a chim. Ref: The sun.