Nikhatni ah The Union Peace Dialogue Joint Committee (UPDJC) cu Naypyidaw ah tonnak an ngei i, a voihnihnak Union Peace Conference (panglong Conference) ni le caan an khiah cang. February 28 in an thok lai i, minung 700 an kai lai tiah theih a si.
UPDJC hi cozah lei aiawhtu, Parliament aiawhtu, ralkap lei aiawhtu le poltical party lei aiawh le hriam tlaitu bu 8 aiawhtu vialte hna fonh in sermi a si. Union Peace Conference tawlreltu an si. Nationwide Ceasefire Agreement (NCA) minthutnak ah aa tel rihmi lo zong UPDJC nih an soilem cuahmah lio hna a si.
NCA min a thu rih lomi zong Panglong Conference ah an i tel cio khawhnak hnga February 28 hlan ah NCA minthu ding an sawm cuahmah lio hna a si tiah President Office leiin U Zaw Htay nih a chim. Kan hnu thla ah khan Karen State le Tenassions Division ah National-level political dialogues an tuah i, an ceihmi cu a ra laimi Conference ah an chuah pi lai tiah UPDJC chungtel U Hla Maung Shwe nih a chim.
Shan State, Bago Division le Civil Society Organization Forum hmun thum ah National-Leval political dialogue an tuah than rih lai. Shan State ah an tuah dingmi cu NCA chungtel Pa-O National Liberation Organization (PNLO) ni an hruai hna lai. February a zarh hnihnak ah an tuah lai tiah U Hla Maung Shwe nih a chim.
Hmun thum ah National-level in an ceihmi paper vialte hna cu UPDJC sinah an pek hna lai i, UPDJC nih an zoh dih than hnuah aa tlak ko timi paper hna kha a voihnihnak conference (Panglong Conference) ah an chuah pi hna lai. Cun NCA ah aa tel rih lomi hna zong Conference ah aiawhtu, ngiahlaiatu tbk in kan telter ve hna lai maw timi zong an ceih chih, asinain bia fiang an chat kho rih lo tiah PNLO chairman Khun Myint Tun nih a chim. Ref: Irrawaddy News.
Pa Pahra Leng He A Tuahmi Nu Cu A Let Thum In A Tihnung
=======================