Ningani ah Inn Raang le Trump cozah cu fak taktak in an vun soisel ve cang hna. Inn Raang i Press Secretary Sean Spicer office ah Trump cozah kong he pehtlaiin biahalnak le bialehnak an tuah. Media caah cun caan sunglawi taktak caan a si. Asinain Trump dohtu media cu an cei ko.
Media fa he ngan he an thilri, camera le phone he an rak kai cio hna nain Trump dohtu media tiah ruahmi paoh cu luhter an sianh hna lo. The New York Times, CNN, the Los Angeles Times, Politico, BuzzFeed, BBC, the Guardian etc. Media bu pawl cu an lau ko cang.
Spicer office luh caan a vun phanh tikah media kip cu lungtho ngaiin luh cio an i tim, asinain nan nih cu kan cazin chungah nan i tel lo tiah thleidan a tong hna. Video lak a duhmi TV Network zong an rak dih hna. NBC, ABC, CBS le Fox News hna cu an luhter hna i, CNN cu an pheo diam hoi.
Cun New York Times tbk an pheo lio hna ah conservative media Breitbart News, The Washington Times le One America News Network tbk hna cu an luhter hna. New York Times eidtor Dean Baquet cu an zai kho tuk. 'Kan tuanbia tiluan caan sau pi chungah Inn Raang ah hi bantuk thil hi kan tong bal lo. Fak piin kan doh' a ti. Cei ko hna seh!
Chun 1:45 P.M hrawngah CNN cu Inn Raang chungah luh than an i tim i, CNN cu a lut dingmi min cazin ah nan i tel lo tiah official nih an thawl than hna. Press Secretary Spicer nih cun 'CNN le The New York Times kan luhter hna lomi cu an report mi kongah kan lungtling lo' a ti.
Inn Raang ah hi bantuk hi a um bal maw timi kongah Julie Mason nih a chimmi cu 'President thing Obama zong nih media a rak thim bal ve ko hna. Obama chan lio zong ah an rak palh i, a tu zong an palh ko' a ti.
Nizan ningani i Conservative Political Action Conference (CPAC) bia a chim lioah Trump nih minute 10 chung bak te Media a phomh ta hna. A chimmi cu 'A hmaan lomi an tial lengmang. A hmaan lomi an tial lengmang caah an hmaanmi information kan pek ti hna lai lo tiah President Trump nih a chimm a si. Ref: VOA News.
Israel Sungthoh Mossad Nih Imad Mughnijeh An Dawinak Le An Thahnak Kong
-------------------------------