Nikki Yovino, 18, Sacred Heart University ah sianginn a kaimi a si i, tangval pakhat a duhmi a um, asinain a duhmi tlangval pa nih a duh lo caah a zaang tel maw a ka fah i, a ka duh deuh tiah a sianginn kainak bawlung chuih thiam pahnih a tuahter hna. Asinain Nikki nih phundang in tuanbia a tawn.
Nikki nih police sinah a chimmi cu Bridgeport i Lakeside Drive ah football club party ka kal i, minung pahnih nih an ka tlaih i, a changchang in an ka tlaihhrem tiah a chimh hna. A chim thanmi cu 'kahin um ka duh lo, ka tuah hlah u. Ka hawile nih lengin an ka hngah. Ka tlah u ka ti hna' tiah police sinah a chim.
Police nih bawlung chuih thiam pahnih cu bia an hal hna tikah Nikki he sex kan tuah ko, asinain kan tlaihhremmi a si lo; amah hnatla tein kan tuahmi hna a si an ti. Police bawi Walberto Cotto Jr. nih sianghngakchia dangdang a hal hna tikah an chimhmi cu 'an pathum in takkholhnak khan ah hnatla tein an kal ko' tiah an chim.
Midang pakhat nih a chimmi cu 'Nikki nih a chimh lio hna ka theih ko. Nan pahnih he sex tuah ka duh a timi hna a si ko' a ti. Nikki Yovino cu police nih tha tein an hal than tikah a hmaan ning tein a phuan than dih. Tlangval pakhat sinin zaangfahnak le duhnak ka hmuh khawhnak ding ah lih ka tawn chawmmi a si tiah a chimh hna.
Police bawi Walberto Cotto Jr. nih a chim thanmi cu 'a duhmi tlangval sungh lai a duh lo caah hitihin ka tuah ahcun a ka zaangfah lai i a ka duh ko lai ti a ruah caah atu bantukin lih a tawnmi a si' a ti. Nikki nih a chim thanmi cu 'an ka tlaihrem tiah sual ka puh hna ahcun tlangval pa (a duhmi) cu a thinhung lai i, a ka zaangfah ko lai ti ka ruah caah a si' tiah police sinah a chim chih.
A hmaan lo ning in an ka tlaihhrem tiah sual a puh hna caah amah tu cu kum nga chung thongthlak a si men lai tiah zumh a si. Sual a puhmi hna cu an konglam a thiang cang. Ref: Daily Mail.
Thli Nih Fak Deuh In A Chempiak Sual Lengmang
--------------------------------------
-------------------------------------------