North Korean hruaitu Kim Jong-un nih nikhatni ah a senior security upa panga a thah hna tiah South Korea’s Yonhap news agency nih a chim......
A thahnak ruang hna cu a hmaan lo ning in report an tuah tiah sual a puh hna i, an thahnak hna a si tiah a chim chih.
A thahnak ruang hna cu a hmaan lo ning in report an tuah tiah sual a puh hna i, an thahnak hna a si tiah a chim chih.
South Korea’s Yonhap news agency nih a chim thanmi cu 'Senior security upa panga cu raltuknak vanlawng kahnak meithal in a kah hna tiah North Korean sungthoh riantuantu nih upadi sertu hna sinah an chim' a ti. Mi a thah hna tikah zeitluk in dah a tihnung lai timi hriamnam lengmang a hmangmi a si. Asinain zei bantuk report hmaan lo dah an pek timi a fiang lo.
A thahnak hna ruang hi Kim Jong-nam thahnak he cun an i pehtlai lo an ti. Upadi sertu Lee Cheol Woo nih a chimmi cu thahmi official hi tuan deuh i Security Cief Kim Won Hong department ah riantuanmi a si. January ah Kim Won Hong zong ziknawhnak le human rights buar kongah a rian a phuah an ti.
North Korea hruaitu Kim Jong-un nih 2011 in nawlngeihnak a tlaih hnu in a riantuantu upa 340 leng a thah cang hna. Meeting lio ah Ri Yong-jin cu aa hngilh sual i, a rak thah. Rian in a chuahmi zong an tam ngai cang. A thami chungah a pu zong aa tel. A thah ning hna zong miakpi in a kah hna ti le raltuknak vanlawng kahnak in a kah hna tbk lawng te an si.
Naite zong ah a unau Kim Jong-nam zong Malaysia ah a thah than. Kim Jong-un nih thah ding in nawl a pekmi hna a si tiah South Korean sungthoh nih an phuan. Ref: USA TODAY News.
An Hrut Cang Rua! French President Caah Obama Campaign An Tuahpiak
--------------------------