President Trump nih cun 'media hi American mipi ral nan si' tiah fak ngaiin a phomh hna......
Trump cozah le media hautnak hi a linsa chin lengmang. Asinain President thing George W. Bush nih cun 'nawlngeihnak cu lem a hmang i, media hi kan herh tuk hna' tiah a chim. Bush biachim ah fimnak a um.
Trump cozah le media hautnak hi a linsa chin lengmang. Asinain President thing George W. Bush nih cun 'nawlngeihnak cu lem a hmang i, media hi kan herh tuk hna' tiah a chim. Bush biachim ah fimnak a um.
Nikhatni ah President thing George W. Bush nih 'democracy caah cun media zalonnak hi a herh tukmi a si' tiah a chim. Media le democracy cu ti le nga bantukin tahchunmi an si. Media loin democracy a thawng kho lo. Ti loin nga a um kho ti bantuk khi a si. Bush nih zeitluk in dah media an biapit timi cu amah nunnak in tahchunnak a chim.
'Zalong tein rian a tuan khomi media kan herh tuk hna. Keimah bantuk sualnak a tuahmi a kan cawnpiaktu le a kan phorzartu cu media an si. Nawlngeihnak cu mi lem a hmang i, tihnung thil a chuahter khomi a si. Cucah America a siah khawika hmun a siah media nih mipi kan riantuannak a kan sawhpiak lengmangmi hi a biapi tukmi a si' tiah a chim.
President Trump nih cun 'media deu cu hi ka ral an si lo. American mipi ral an si' a ti. Min char in a thimmi hna cu New York Times, NBC News, CBS le CNN le a dangdang hna an si. Media kip cu a doh i a soisel hna lo, asinain a hmaan lo ning in news tial a hmangmi ka doh hna a ti. 'A hmaan lomi an tial ahcun kan sin zong ah an rat a hau lo' tiah Conservative Political Action Conference (CPAC) ah a chim.
Bush nih cun 'media ramri kan det hna ahcun vawleicung ram kip tiang in media thazaang a der khomi a si. Ka rak i zuam pengmi cu media zalonnak a biapit ning kong Russian President Putin a fian khawhnak hnga ka rak chimh peng. Kanmah nih media zalonnak kan doh ahcun midang kha media zalonnak kawng cawnpiak a har tuk cang' tiah Bush nih a chim.
President Trump hi kan ram then-cheunak kongah fontom ding in duhsahnak takak a ngei maw tiah Bush cu Today News nih an hal i, a lehmi hna cu 'kan media hmanh an i then-cheu ahcun kan ram funtom ding ahcun a har ko lai' a ti. Ref: Daily Mail.
Doih-eih Thiam (sorcerer or magician) Nih President Trump An Doih
-----------------------------