Zahan zarh zarhpini ah Iran nih US zeirel loin nuclear missile hneksaknak a tuahmi cu aa palh kho taktak. President thing Obama chan minung le President Trump chan minung an i dang cang timi an thei ko nain khua an ruat deuh lo. Obama chan minung cu an nem i, Trump chan minung cu Iran cungah an hrang lai timi an ruat lo.
President Trump nih fiang ngaiin a chimmi cu 'Iran nih mei he lentecelh aa timh. An cungah Obama zeitluk in dah a that timi a conglawmh zia hmanh an thiam lo' tiah twitter ah tuan deuh ah khan a tial. 'Iran nih an hei i thawh than i, American thihpheihnak nih zeitin hmanh a kan ti kho lai lo' a ti rih' tiah Trump nih a chim.
President Trump team pawl hi Iran cungah a hrangmi lawng te an si. US Defence Secretary James Mattis hrimhrim cu Iran cungah a hrangmi a si. President thing Obama nih Iran dan a tatnak ruangah aa dang i, President Trump nih Iran dan a tatnak ruangah aa dang. Asinain Obama bantukin Iran nih Trump an hmuh awk a tha ti lo. Cucaah tutan bantukin a nuclear phur khomi missile a hneknak a tuah than ahcun Iran caah a fawi ti lai lo.
Treasury Department leiin John Smith nih a chimmi cu 'Iran nih tapung an bawmh hna pinah pawngkam ram hna caah a tihnungmi missile a ser. Pawngkam ram ca lawng hmanh si loin United States ca tiang in a tihnungmi a si' tiah a chim. Cucaah Iran minung 13 le company zeimawzat cu ningani ah US Treasury Department nih dan an tat (sanction) hna. Trump cozah chan ahcun Iran hi a pum a fat-ngan tiang in ser an duh cang.
Dan an tatmi hna hi nuclear a phur khomi missile sernak ah tangka thazaang in a siah ruahnak a siah aa telmi Iran mi lianngan hna le company hna an si. An umnak cu United Arab Emirates, Lebanon le Taluk tbk hna ah an si i, Iran ralkap upa lianlian chung zong in an i tel hna. Naite ah Trump muslim khamnak lehrulnak caah Iran nih US wrestler zong Iran i wresler championship zuamnak ah tel kho lo ding in a kham ve hna.
Iran cungah dantatnak a khin tlawmpal ah US raltuknak tilawng lian (Navy Destroyer) zong Yemen rili leiah a thlah colh. Iran nih an bawmhmi taping Houthi raltho cawlcanghnak hmun a si. Ref: BBC.
Iran Missile Hneksaknak Nih Trump Cozah Thin A Hunter Ngai
---------------------------------------