US First Lady Melania Trump hi model thing pakhat a si bantukin aa dawh bak ko. Ahohmanh nih al awk a tha lo. Asinain a no deuh lio hmanthlak le a hnu deuh a hmanthlak an zoh ti tikah plastic in a hmai aa thlen ko tiah an zumh. A tanglei hi a hman thlennak kong an halmi a si.
Portsmouth i Perfect Skin Solutions ah director zong a simi cosmetic Dr. Dev Patel bia an hal i, a chimmi cu 'Melania Trump nih a hmai aa remhnak le plastic aa thlennak ah hin £10,000-£12,000 karlak hrawng a dih lai a ti. A chim thanmi cu 'TV bia an halnak ka zoh tikah a hmai an thlennak ah an hmanmi thil fiang tuk in a lang' a ti.
A peh thanmi cu 'bia a chim tikah a hmur cawlcangh ning le a cunglei hmai cawlcangh ning aa milh lo. A cunglei hmai cu a cawl hrim a cawl lo. A fiangmi cu a hmai an thlen lioah a doctor nih a hmai cungah a hmanmi thilri (Botox) tam deuh a hman timi a fiang' tiah a chim.
A hnar zong aa remh chih tiah ka zumh a ti. Consultant Plastic Surgeon Mr Jag Chana zong nih a zumh ve. 'A no deuh lio hmanthlak le atu a hmaanthlak kan tahchun tikah an hnar aa lo ti lo. A hnar muisam aa thleng cang an ti. A no deuh lioah cun a hnar a ngan deuh i atu cu an thia deuh i a aa dawh deuh cang. A cal zong hi a tliang i a kawrmi a um ti lo. Botox ruangah a si an ti.
Melania 45 hi Slovenia, Sevnica ah a chuak i a thangmi a si. Model zong a rak si i, atu cu United States of America First Lady a si cang. President Trump he fapa pakhat Baron Trump 10, an ngei. Melania Trump hi a mui zong aa dawh i, a fim zong a fim tiah an thangthat ngaimi a si. Ref: The express.
Kim Kardashian A Fan Pawl A Vun Dangh Than Hoi Hna
-----------------------------------