US ralkap (Pentagon) lei nih ISIS dohnak lam (plan) cu tling tein an suai dih cang.....
Trump nih ni 30 caan pek in Defence Secretary Jim Mattis a suaiter i, tlamtling tein an lim cang. Niikhatni zanlei ah khan Mattis nih Inn Raang senior official he zoh tinak an ngei. Trump nih US ralkap tangka hman ding a kaiter chap.
Trump nih ni 30 caan pek in Defence Secretary Jim Mattis a suaiter i, tlamtling tein an lim cang. Niikhatni zanlei ah khan Mattis nih Inn Raang senior official he zoh tinak an ngei. Trump nih US ralkap tangka hman ding a kaiter chap.
Pentagon biachimtu Jeff Davis nih a chimmi cu ISIS dohnak caah lam an sermi a si i, kau pi huap in an sermi a si. Syria le Iraq ISIS lawng si loin vawleicung ISIS dohnak caah a si lai tiah a chim. Cun President Trump nih US ralkap caah tangka hman ding a chap than. Trump hi aa tinhmi a rak sang ngaingai. 'American First' a rak ti lengmangmi hi a sawhsawh a rak si lo.
US ralkap tharchuahnak le thanchonternak caah $54 billion hman chap ding a ti. Ramdang bawmhnak kan pekmi kan zorter lai a ti. Ni 30 chung caan pek in ISIS dohnak lam a suaitermi zong a tlamtling cang. Campaign a tuah lioah a chimmi cu ISIS hi kan hloh dih hna lai a ti. 'ISIS kan dohnak hi a fekmi a si lai i, a thawngmi zong a si fawn lai'' tiah CNN ah a rak chim.
President thing Obama naak in ka hrang deuh lai. US ralkap nawl ka pek hna lai i, ISIS hmunkhur vialte ka phomh dih lai. ISIS zinaan hmun zong ka phomhpiak dih hna lai a ti. Expert nih an chimmi cu 'Trump nih ISIS dohnak lam a sermi ah hin Syria ah ralkap thlah zong aa tel kho men. Asinain raldoh taktak si loin dirkamh le ruahnak pek deuh a si lai' an ti.
Mattis zong nih Obama ISIS doh ning cu kan thlen lai a ti. Syria le Iraq ah Obama cozah nih ISIS an rak doh ning cu a rau tuk. 'A ran khawh chung rang in kan doh hna lai. Caan tampi kan la lai lo' tiah a chim. Ref: The Express.
Doih-eih Thiam (sorcerer or magician) Nih President Trump An Doih
----------------------------
-----------------------------