President Trump cu Fox News nih bia an hal......
Nan cozah thlithup thil lengah a chuakmi hnulei puanzar phen ah hin President thing Obama a um tiah nan ruat maw? Cun tu thla chung i Republican ralchanh in sandah a piahmi hna hnulei zong ah hin Obama a um tiah nan zum maw? tiah Trump an hal.
Nan cozah thlithup thil lengah a chuakmi hnulei puanzar phen ah hin President thing Obama a um tiah nan ruat maw? Cun tu thla chung i Republican ralchanh in sandah a piahmi hna hnulei zong ah hin Obama a um tiah nan zum maw? tiah Trump an hal.
An hal thanmi cu 'Nangmah ralchanh in kan ramchung sandahpiahnak hi (Obama) bu (organization) an si tiah theih a si. Sandahpiahnak hnulei puanzar phen ah Obama a um ko tiah na zum maw? A um ko ahcun president thing nih tuah lo dingmi phung a buar tinak a si maw?' tiah an hal chih.
'Obama nih hnulei in a um pi ko hna tiah ka zumh. Hi buainak vialte hnulei ah zeidah a cang timi hi kan thei kho lai lo. Kan cozah thlithup thil lengah a chuakmi a siah sandahpiahnak a siah Obama le a minung an si ko. Kan cozah thlithup thil lengah a chuakmi hna cu a biapi tukmi an si. Obama le a minung an si tiah ka zumh ko. Kan ram himnak caah a biapi tukmi an si' tiah Trump nih a leh.
'Politics zoh chih in buainak an chuahtermi zong a si. Obama hi hnulei puanzar phen ah a ummi a si i, hmailei zong ah a um rih ko lai' tiah a chimh chih. Asinain Trump nih fiang tein Obama le a minung an i tel ko timi a langhter kho lo. CNN nih Obama office an chawnh lio hna a si i, lehnak a ra rih lo.
Trump nih Fox News ah a chim thanmi cu 'Mexico le Australia hruaitu he kan i chawnhnak ruang zong Obama minung nih media ah bia hmaan lo an chuahter caah a si. Media sinah biathlithup an chuahter lengmangmi hi kan ram himnak caah a tihnungmi a si a ti. Ref: CNN & BBC.
Nu-Va Chuah Ni Aa Khatmi Nan Um Cio Maw?
-------------------------