Biahaltu: Thla ka cam tikah Pathian sinah ka sualnak phuan i, ngaihthiamnak hal ding a si ti cu ka hngalh, asinain keimah hi mi tha ngai ka si bantukin zeidah ka sualnak a si i, Pathian sinah zei bantuk ka sualnak dah ka phuan lai timi ka hngal lo. Zeital ka theih lomi a um sual maw?
Rev. Billy Graham: Fiang tein na si ning na chimmi cungah kaa lawm, cun 'zeital ka theih lomi a um sual maw' tiah na halmi cung zong ah kan lawmh pi tuk. Na theih lomi a um ko. Bible nih 'sualnak kan ngei lo kan ti ahcun kanmah le kanmah kan i hlen a si i, kan chungah biatak a um' a kan ti (1 John 1:8). Asinain mi sual kan si caah sualnak kan tuah peng lai tinak a si hrimhrim lo.
Sualnak na theih lomi hi zei sualnak dah a si? Thil pahnih in kan chimh lai: 1) sualnak hi a thuh in a sannak tiang na hngal lo. Sualnak cu thihnak tiang a chuah pi khomi zawtnak tihnung taktak he aa lo. Cu sualnak cu kan tuahmi vialte le kan sinak vialte he aa tlai dih. Asinain na ziaza zong a tha i, sualnak nih an hnomhtamhter lomi zong na si ko lai. Asinain na lungthin le ruahnak le na saduhtah zeidah an si?
Naa phorhlawtnak zeidah a si? Na tuah awk a si ko nain na tuah lomi zei hna dah an si? Na bawmh ding a si ko nain na bawmh lomi hna ahodah an si? Bia tha an chim awk a si ko nain bia tha na chimh lomi hna a hodah an si? Thla na campiak ding a si ko nain na campiak lomi ahodah an si? Zaangfah awktlak ngai a si ko nain na zaangfah lomi a hodah an si? Hi vialte zong hi sualnak he aa tlaimi lawng te an si. Asinain kan rak thei/hngal tawn lo.
2) Cun sualnak a tihnunnak le a man hauh a fah ning na theih fawn lo. Sualnak cu a man hauh a fah tuk ca le a tihnung tuk caah Pathian Fapa ngeihchun Jesuh Khrih tiang in liam a haumi a si. Pathian nih zeitluk in dah sualnak kaa a ruh timi a theih. A Fapa Jesuh Khrih tiang in man pek a haumi a si. Cu tluk cun a tihnung i a man hauh a fakmi a si. Kanmah zong nih sualnak hi zaangkhai tuk in kan ruah i, kan zoh cio sawhsawh hna ding a si lo.
Asinain Pathian nih a kan dawt tuk caah kan sualnak man a fak tuk ko nain a Fapa ngeihchun Jesuh Khrih nunnak tiang in a kan tlanh. Bible nih cun 'Hitihin dawtnak cu zeidah a si timi kan theih: Jesuh Khrih nih kan caah a nunnak aa pek' a kan ti (1 John 3:16). An dawtnak cungah lunglawmhnak chim lengmang law, na sualnak caah ngaihthiamnak hal lengmang; cun nung seh ti an duh ning in nun i zuam lengmang. Jesuh nih a man fak tuk in an cawk i, an dawt. Ref: TCP.
Siasial (Idol) Timi Hi Zeidah A Si? Bilyy Graham Bialehnak
-------------------------------------