Sweden khua pakhat ah Council chungtel pakhat Mr Per-Erik Muskos nih cozah riantuantu hna hi a nupi/pasal...
he sex ngeih caan kan pek hna ding a si tiah council ah chuah pi ding in timhnak a ngei. 'Pakhat le pakhat kan i zohkhanh ding a si. Nu le va karlak ah pehtlaihnak a thatter deuh a si ahcun tuah a phu ko' tiah BBC sinah a chim.
he sex ngeih caan kan pek hna ding a si tiah council ah chuah pi ding in timhnak a ngei. 'Pakhat le pakhat kan i zohkhanh ding a si. Nu le va karlak ah pehtlaihnak a thatter deuh a si ahcun tuah a phu ko' tiah BBC sinah a chim.
A ra laimi thla hrawngah Council ah chuah pi ding in timhnak a ngei. Ka riantuan ti councillor zong nih an ka cohlan ko lai tiah ka zumh a ti. Hnatlaknak kan tuah khawh ahcun kan cozah riantuantu hna hi an pasal an siah an nupi an siah hmun khat te ah caan hman tinak caan an ngei kho lai tiah a chim chih. An khua Overtornea hi Sweden in chaklei pengah a ummi a si i, fahrin lei zong in an zor ngai.
Minung 4,500 hrawng an umnak khua a si i, kum khua leiin upa hi an tam chin lengmang. Mino deuh cu sianginn an dih cun hmun dang ah an i thial lengmang. Mr Muskos nih a chimmi 'kaa timhmi cu fa ngeihnak si loin kan nunnak hi nuam deuh seh - a hleiin nu hrimhrim hi nuam deuh in pasal le he sex tuahnak caan ngei hna seh a ti. A chim thanmi cu 'minung nih riantuan ding tam tuk kan ngei.
Kan fale kan zohkhanh hna, rian lawng te kan tuan hna, cun a dangdang nih nupi le pasal le he um ti thiam loin a kan then lengmang. Kan fale um lo karlak ah caan hman tinak kan ngeihmi a tlawm tuk. Cucaah hi thil kan tuah ahcun kan khua hi um a nuam deuhmi hmun ah kan ser khawh ko lai. Inn kan um caan hi kan fale sianginn kai caan zong a si fawn lai caah zalong tein nupi le pasal sex tuahnak caan kan ngei kho lai a ti.
Kan nun aa nuamh deuh ahcun mino zong an um zuam deuh lai i, kan nunnak zong aa sersiam thlauhmah ko lai a ti.
South Korea zong 2010 ah Healtth Ministry lei nih an riantuantu hna cu a dang tein ni an rak chiahpiak hna i chungkhar he um ti caan an rak pek hna. Fa va hring u an rak ti hna i, cuticun nupi le pasal karlak ah sex thazaang a rak pek hna. Milu zong an karh deuh ngai ti a si, asinain mah ruangah hin cheukhat ram ahcun sex hi zatlangnun bantuk tiang in an hman phah ve.
Russia zong milu karh duh ahcun September 12 hi kum tin in 'Naupawi Ni' tiah an rak hman. Russia ram cheukhat khua hna ahcun September thla in a thla kuanak June thla ah nau a ngeimi hna cu laksawng tiang an rak pek hna. Ref: BBC News.
Israel Sungthoh Mossad Nih Imad Mughnijeh An Dawinak Le An Thahnak Kong
-----------------------------