Australia i Northern Beaches khuasa Eliza Curby 27, le Ben, 38, cu an i duh thla thum hnuah nau an pawi i fanu Charlie an ngei. Fanu te an ngeih hnu zarh ruk hnuah nau kan pawi than timi an theih i, an i chekter ah cun faphir nan ngei lai tiah an chimh hna.
Ni kum Christmas thla December ah Curby cu nau aa then than i faphir a hrin hna. Fapa veve an si i an min ah Jack le Wolfe tiah an auh hna. Curby nih cun a zumh hmanh ka zum kho lo. Ben zong pacan pakhat dirhmun in um lai cu aa ngeih tuk hringhran. Atu cun chungkhar a ser cang i, kan lunglawmhnak a tling cang tiah a chim.
A chim thanmi cu kan fale he kan zatlang lam len lai hrimhrim kan i ngeih tuk cang. Charlie zong aa lawm tuk. A naule a zoh hna ah hin aa nuam zunngzal tiah a nu Curby nih a chim. Ka fale hi an i cih tuk ko nain nau ka pawi ah hin buainak le harsatnak ka tong lo. Faphir ka ngeihmi hna hi zarh 36 ka pawi hna a ti.
Eliza Curby nih aa harh ngaimi cu an pathum in rawl pek le hnuk dinh hi a si. Charlie zong a nu hnuk a ding rih. A tlangpi in nu nih nau an pawi ah hin thla kua an rau i, fale hi kum khat ah aa tongmi hi cu an i cih tiah ruah a si. Kum hnih ah aa tongmi hi nu le ca zong ah tha a dam deuh i, khat ah aa tongmi cu nu le an rethei ngai.
Asinain Eliza Curby tu cu thla 11 chungah nau voihnih a ngeimi a si pinah fa pathum zohkhanh ding cun aa harh ngaingai ko lai. Asinain kaa lawmhnak ni a ka tei deuh caah kaa lawm zungzal kho ko tiah a chim. Ref: The sun.
Indonesian Nu Nih Fianternak A Tuahmi Nan Zum Kho Cio Maw?
--------------------------