President Trump nih America ram in mi thalo pawl kan thianh hna lai tiah US ah Muslim ram luhter a sianh ti hna lo.
Vawleicung ram kip in an thinhunnak an rak langhter hna. Asinain Europe ram zong Trump meicil nih a tlak thluahmah cang hna. Europe ram ah thimnak an um thluahmah hna lai i, zeitluk tiang dah Trump nawl an cawn lai timi a tanglei ah kan vun tial.
Vawleicung ram kip in an thinhunnak an rak langhter hna. Asinain Europe ram zong Trump meicil nih a tlak thluahmah cang hna. Europe ram ah thimnak an um thluahmah hna lai i, zeitluk tiang dah Trump nawl an cawn lai timi a tanglei ah kan vun tial.
Netherlands, France, Germany tbk ah thimnak an um lai. Mipi nih an i fian ngai cangmi cu politician tampi hi bochan tlak an si ti lo timi hi a si. Ramchung buainak hmanh phisin khawh loin liberal ngaiin khua a cuan i, fawi tuk in mipem a cohlangmi an tam tuk cang. Cucaah cu bantuk minung cu mipi nih an rem ti hna lo.
Thimnak aa cuh dingmi zong nih khua an ruat cang. Teinak kan hmuhnak cu Trump bantuk khuaruahnak ah hin a um cang timi an theih. Tahchunnak in kan chim ahcun France leiin National Front Party hruaitu Marine Le Pen nih cun President Trump Muslim khamnak a vun conglawmh ngai cang. Trump a dohtu hna cu 'a hmaan lomi zumhnak a ngeimi an si' a ti ve cang hna.
Marine Le Pen biachim le ruahnak zoh tikah President Trump he an i dannak a um ti lo. French phung le lam kan dirkamh lai; mipem cohlannak kongah ri kan ser cang lai a vun ti. An thimnak ni le caan a neih chin lengmang ve tikah a lar chin lengmang cang ti a si. A hleiin France cu pehtlai in tapung nih an tteih tuk hna tikah Marine Le Pen cu a lar tuk te ko lai a ti a si.
French Parliament chungtel pakhat Damien Obrador nih a chimmi cu Trump ka dirpi a ti. A chim thanmi cu 'Marine Le Pen hi a lar chin lengmang i, President a tlin ahcun mipem a kham ve te ko hna lai. Tapung leiin thinphan dai lo peng in kan um tikah Trump bantukin a tuah ahcun thil tha ngai a si ko lai a ti. A peh rihmi cu 'Europe zong chan kan dawi i, Donald Trump hi kan zoh cio ding a si' a ti.
Netherlands thimnak an neih chin lengmang cang i, Trump-Style party an lar chin legmang cang. Marcel Waldschmit, 49 nih a chimmi cu 'thlen caan kan phan cang. Trump karhlannak hi a hmaanmi a si' a ti. A peh thanmi cu 'Muslim ram in Europe ah an rak lut hna i European Union in bawmhnak an hmu hna, asinain local minung nih bawmhnak pakhat hmanh kan hmu lo. Trump hi a hmaan taktakmi a si' tiah CNN ah a chim.
German leiin upadi sertu pakhat Joachim Steinhofel, 54 nih a chimmi cu President Trump Muslim khamnak hi a hmaan taktakmi a si. Europe nih kan ramri kan himter i, Middle East le Africa ram ah Refugee umnak tu a tuah ding a si. Europe ram ah a rak lutmi paoh cu kan kham hna i, phungning loin a lutmi paoh cu kan khirh hna ding an si cang tiah CNN ah a chim. Canada, Australia le New Zealand nih an zulhmi mipem phung hi Germany nih kan herh tuk cang a ti.
UK lei zong in a lar chin lengmangmi UK Indpendecne Party hruaitu Nigel Farage zong nih Trump Muslim khamnak a conglawmh colh. 'Trump cu hraang ding in thimmi a si. America himnak ding caah cun a herh ning in riantuan aa timmi a si. Campaign a tuah lio zong ah Muslim ram sarih kham ding in a chim. A chim bantukin mipi nih an vote ko' tiah BBC ah a chim.
British Army officer thing nih a chimmi cu 'Trump muslim khamnak ah hin thleidannak a um lo, pumpak thil a si lo. Mei cu mei in kan doh ding a si ko. Trump a dohtu hna hi 9/11 ah khan rak um hna seh law Trump hi an dirpi ko lai' tiah a chim ve. Cucaah President Trump riantuannak hi a hramthok lawng a si rih. America le Europe ram khuacuanh ning vialte an thlen te lai. Ref: CNN.
US Inn Sang Pahnih A Teihtu Nih Obama Sinah Zeitin Dah Ca A Tial?
-----------------------------------------