September 11, 2001 i US Inn pipi pahnih (World Trade Center) a tteihtu cu keimah ka si aa timi pa nih President thing Obama sinah cakuat a tial. 9/11 ah kan in tteihmi hna cu American nan foreign policy ruangah a si. Gaza Strip i sualnak ngei lo Palestinian an rak thihmi zong kha nanmah ruangah a si tiah a tial.
Khalid Sheikh Mohammed nih cahmai 18 a tial i, President thing Obama sinah a rak kuat. 'Barack Obama, rul, ramdang namneh hmang! Gaza ah a thimi kan farle thisen, kan fale thisen, kan unau hna thisen vialte nan kut ah aa nalh dih' tiah a catlangbu pakhatnak a rak tial. Khalid sihni nih a chimmi cu 2014 ah a tialmi a si a ti.
A cakuat ah ni le thla aa tial ning ahcun January 8,2015 ah a si. Inn Raang a phak taktak cu kum hnih hnuah a si i, President thing Obama a chuah lai ah a si cang. A cakuat ah a tial thanmi cu '9/11 kha kanmah nih kan thok hmasami a si lo. Kan ram a kan uktu nanmah nan si. Vanlawng pahnih an mongh i, nan inn sangpi pahnih (Twin Towers) an in tteih hna ah khan kan leiah Pathian a tang' tiah a tial.
'New York nan inn sang pipi pahnih kan thluk, Pengtagon kan phomh i, Pennsylvania kan phomhmi vialte hna kha Allah nih a kan bawmh. Democracy nan ti lenmi le freedom nan ti lenmi cu kan in phozar viar hna. Vietnam ah lai nan nawng, Japan ram Hiroshima le Nagasaki ah atomic bom nan thlak. Palestinian kan mipi nan thah hna. Israel nan dirkamh hna i, kan ram ah nan umter hna' tiah a tial.
9/11 ah US an rak tteih tlawmpal ah Pakistan ah US Special ralkap nih an rak tlaihmi a si. Atu cu CIA thlithup thonginn ah a um ko rih. Amah hrimhrim nih 9/11 tteihnak ding i khuakhangtu cu keimah ka si a ti. Inn sang pahnih a cimh ah khan minung 3,000 hrawng an rak thi. A kong an ceih peng rih. Thihdan an pek lai tiah zumh a si.
'Thih ka ti lo. Lunglawm ngaiin thih kong hi ka ceih peng ko' tiah a tial. March 2003 ah 'Waterboard' voi 183 an tuah. Puan in an hmai an khuh i ti a toih. Ti chung tlak bantuk a si an ti i, hremnak tihnung taktak zong a si an ti. A tial thanmi cu 'nan biaceihnak nih nunchung thongthlak ding an ka ti zong ah kaa lawm thiamthiam ko. Keimah lawng ka cell ah ka um lai i, ka nunchung Allah ka bia ko lai tiah a tial chih.
Ka sualnak le ka tuahsernak tha lo vialte kaa ngaichih dih lai. Asinain thihdan an ka pek zong ah kaa lawm chinchin ko lai. Allah le prophet ka hmuh cang hna lai. Cun ram kip ah nan thahmi ka hawikawm dawt dangdang zong ka va ton dih cang hna lai. Sheikh Osama Bin Laden zong ka va hmuh cang lai tiah a tial. 2011 ah Pakist ah Sheikh Osama Bin Laden cu US Special ralkap nih a va thah. Ref: TOI.
An I Ton Cu Unau Bantuk An Si: Nih Le Capo In Caan An Hmang
---------------------------------