Nilini ah Conservative Political Action Conference (CPAC) an ngei. CPAC hi kum khat ah voikhat lengmang an tuahmi a si i, conservative activist le politician riantuannak le cawlcanghnak a si. Conservative phung aa tlaihmi hna caah cun a biapi tukmi a si i, 'Conservative movement' ti zong in an uahmi a si.
Nizan nilini ah Vice President Pence cu a thongthong in aa pummi hna conservatives hna hmaiah bia a chim. Biachim a thiam i, a biachim zong a ngeih an nuam kho tuk. 'President Trump le a cozah nih campiagn lioah biakamnak kan tuahmi kan tlinter cuahmah lio a si' tiah a chimh hna.
President Trump a thangthatnak zong a chim len. 'Trump hi a zumhmi ah fek tein a dirmi a si, America ram caah vision a ngeimi a si, mi raltha zong a si. Campaign lioah bia an kamhmi hna American mipi nan caah a tlinter cuahmah lio a si' tiah a chimh hna. Mipi lung a tling kho tuk.
Media le Democractic Party nih Trump cozah le conservative cawlcanghnak vialte hrawh peng an i zuam. Asinain conservative kan caan a si cang. Kan ram chunmang le saduhthah a tlinter khotu cu conservative kan si timi kan langhter caan a si cang. Rian tampi kan ser lai, taxes tlawmte lawng kan pek cang lai, kan ralkap kan thawnter lai, kan phunghram kan upat cang lai' a ti.
Tutan Maryland i Conservative Political Action Conference (CPAC) an i pumh cu conservatives hna caah cun an teinak nganpi a si. Conservatives movement zong a thawng chin lengmang lai tiah zumh a si i, Khrihfami hna caah hrimhrim zong teinak nganpi a si. Ref: VOA News.
Santlai Lo FBI Tiah President Trump Nih A Mawhchiat Hna I A Phomh Hna
------------------------------