A ngandam lomi hna caah cun thinphan le lungtur in thih sual zong a fawi te lai. A ral a tha lawlaw.
Cheukhat caah cun shok ngah zong a fawi ko lai. Lam ral le lam ral in a motorcycle rang taktak in a tlikter i a kau taktakmi lam tan in khatlei lam ralchan leiah a zuang diam ko!
Cheukhat caah cun shok ngah zong a fawi ko lai. Lam ral le lam ral in a motorcycle rang taktak in a tlikter i a kau taktakmi lam tan in khatlei lam ralchan leiah a zuang diam ko!
California i Riverside County ah Kyle Katsandris cu lam tan in a motorcycle cung in a zuang i khatlei ralchan ah a va tla kho. A tangah motor ngan pipi an tli len rih. Thih tih lo timi maw a si; hruk tuk bia dah a si. A video zoh hrimhrim in tih a nung kho tuk. Asinain a hnuah a video cu a hawile sinah a rak tar i, an zoh cio.
A video a zohtu paoh cu an khuaruahhar dih. A zumh hmanh an zum lo dengdeng in an um cio hna. Cu bantuk ralthat le thiam cu khuaruahhar lo awk hrimhrim a tha lo. Minung pakhat nih a chimmi cu ni fatin in an tuah tawnmi a si. A tuah deuhdeuh tikah an ngamh a sang deuh chin lengmang a ti.
Minung pakhat Irena nih cun 'hi bantuk cu amah ca lawng ah tihnun loin midang ca zong ah a tihnung a ti. Hliam kha biapi a si lo. Midang zong a khawnden sual hna lai tiah phan a um tuk a ti. Ivan nih a chimmi cu 'tihnung thil an tuah lengmang cang i, an caah cun zeihmanh a poi ti lo. An i nuamhnak pakhat bantuk a si cang' a ti.
Asinain California Highway Patrol and Riverside County Sheriff’s Department nih an hlathlai cuahmah lio a si. An hlathlai lai i, midang caah tihnung le a pumpak nunnak caah thil tha lo a si ahcun zeimaw tiin ralrinnak maw an pek lai; tuah ti lo ding tiah an ti lai dek!. Ref: The sun.
US President Thing Abraham Lincoln Thla An Hmuh
=====================