California hotel pakhat chungin minung pali cu an rak chuak i, an motor chungah an lut. Mah lioah minung pakhat nih pistol he a rak rat hnawh hna i, ramh a timh hna. Police nih an chimmi cu 'amah lawng si loin a hawile pahnih he an si i, kutkhat kam in an rak hngah' an ti.
Motor chungin minung pakhat cu a lau tuk i a rannak in restaurant chungah a va lut i, 911 a chawnh hna. An thilri a chuh khawh hna hnuah mifir pa cu a pistol he kutkhar leiah a tli colh, asinain motor mongtu nih a dawi colh ve i, mifir pa cu a tlik lioah a motor in hlonh lak in a pah.
Motor in a pah ah khan mifir pa cu aa hlirh i, aa hlirhnak ahcun a pistol in amah le amah aa kap chap rih. A lu ah aa khen i, mahhngal lo in vawlei ahcun a ril colh. A vanchia bikmi mifir pakhat ah aa tel ve. A rauh hlanah police an rak phan colh i, mifir pa cu sizung ah a rannak in an thlik pi.
A dirhmun a chia ngai nain atu cu aa ning deuh cang ti a si. Mifir pa nih a fir lio hna ah nu pakhat cu restaurant chungah a rak lut i, mipi vialte a lauter dih hna; an i thup dih. A hnuah restaurant ngeitu Manager Amir Obeid nih cun 'ka zaang a fak lo. Nan theih ko cu teh. Midang fir aa timmi a si. Mah ruangah a tonmi a si' a ti.
Kutkhat (gate) in a rak hngaktu a hawile pahnih cu an zam diam. Police nih a pistol cu an lakpiak. Ahodah a si timi police nih an langhter lo. Ref: ABC News.