President Trump ruahnak petu hna nih Trump ruahnak an pek cang.....
President thing Obama a tanhmi paoh cu Inn Raang ah na umter hna lo ding an si tiah ruahnak an pek cang. Obama a tanhmi minung nih Trump cozah riantuannak bia thlithup media sinah ah a thli in an rak chuahter lengmang tiah theih a si.
President thing Obama a tanhmi paoh cu Inn Raang ah na umter hna lo ding an si tiah ruahnak an pek cang. Obama a tanhmi minung nih Trump cozah riantuannak bia thlithup media sinah ah a thli in an rak chuahter lengmang tiah theih a si.
Inn Raang a um thla khat chung cu buainak nih a zelh in a zelh hna. Russia sungthoh le President Trump cozah pehtlaihnak an ngei lengmang ko tiah thlithup a chuak lengmang. Linsa ngaiin Australian Prime Minister Malcolm Turnbull le Trump an i chawnhnak le bia an i alnak zong media ah a chuak diam. Ahodah a chuahtu a si an thei hna lo. Inn Raang chung minung an si lai tiah zumh a si.
Atu ahcun Obama a tanhmi minung an si tiah an zumh cang. Inn Raang ah Obama tanh minung tampi an um rih hna. Trump ruahnak petu nih Trump ruahnak an pekmi cu Inn Raang ah Obama tanh paoh thawl dih hna law nangmah an tanhmi minung la cang hna an ti. Republican upa New Ginrich nih 'Obama tanh paoh cu a rannak in a chuah hna awk an si' a ti.
Caan sau pi chung ruahnak petu a simi Roger Stone nih a chimmi cu 'nangmah an tanh lomi na hman hna tikah thlithup bia media sinah an chuahter ahcun na khuaruahhar hlah' tiah a ti. Obama nih Inn Raang ah rian a rak pekmi minung zeimawzat hrawng cu an tang rih. Cheukhat cu senior ngai an si hna. State Department zong ah an um hna i, Department of Defence zong ah na um len hna.
Pipa biachahnak a tuah kho dirhmun ah an um len fawn hna. An tuah khawhmi poah ahcun Trump cozah ralchanh lengmang in rian an tuan. Trump cozah thazaang derternak le thangchiatnak lawng tein rian an tuan fawn hna ti a si. President Obama cu politics ah biatak tein a cawlcang lai tiah Eric Holder nih nizan ah a chim. Cucaah Trump nih Obama tanh pawl a thianh zokzok hna an hau. Ref: The Express.
Rev. Franklin Graham Nih Fak Tak In George W. Bush Fanu A Phomh
---------------------------