Nihnihni ah US Inn Raang pawngah bom a si tiah bag aa putmi minung pakhat an tlaih. Inn Raang congtu ralkap (eagle-eyed sniper - mupi mit ngei sniper) zong ralring taktak in an um cang. Inn Raang kam ah a vel in an i vel cang.
Inn Raang i President Trump a luh hnuah lunghrinhmi minung nih luh hnawh an timh hi a tlawm ti lo. Bag an hmuhmi cu zeidah a si hnga tiah thlithup ralkap nih an chek cuahmah lio a si. Fox News nih a tial ning ahcun 'inn raang pawng a rak phanh ah hin ka bag chungah bom a um tiah officer a chimh hna' a ti.
Inn Raang pawngah media le hawileng zong an thawl dih cang hna. An tlaihmi lunghrinhmi pa hi Inn Raang pawngah a ra i bag aa put chih. Bia zong a chim len an ti. A rannak in Inn Raang congtu nih an tlaih colh i a bah zong an chuh chih. Inn Raang pawng lam vialte an khar dih.
Kan hnu zarh California pa zong Inn Raang vampang cung a kai lioah an tlaih. Nu pakhat zong Inn Raang chungah luh aa tim i an tlaih than. Tuan deuh zong ah bom a si ko lai tiah an zumh bag zong Inn Raang pawngah an rak char bal cang.
Khuaruat kho nih an chimmi cu hi bantukin Inn Raang pawngah a rak lut lengmangmi hna hi Inn Raang a him maw him lo tiah hlathlai duh ah a rami an si kho. Inn Raang congtu an daithlaan caan ah an rak doh men te lai' tiah an chim. Ref: Ther sun.