Raltuknak vanlawng in cunglei in fak taktak in an vun phomh hna pinah tanglei in Iraq ralkap nih an phomh chih hna.....
An dum dih cang hna caah ISIS caah zamnak lam a um ti lo. 4,000 hrawng a simi ISIS nih lam a phunphun in an rak doh ve hna. Motor chungah bom hmanh tbk le sniper meithal in tbk in an rak kah lengmang ve hna.
An dum dih cang hna caah ISIS caah zamnak lam a um ti lo. 4,000 hrawng a simi ISIS nih lam a phunphun in an rak doh ve hna. Motor chungah bom hmanh tbk le sniper meithal in tbk in an rak kah lengmang ve hna.
Asinain ISIS caah hmunhma a bi chin lengmang cang. Mosul in nitlak peng lei hi a tangmi a si i, an neih tuk cang hna. Federal Police commander Haider Matuli nih a chimmi cu 'a hramthok ahcun ISIS runven ning a tha ngai. Hmaiah fong kho loin an kan tuah. Hmun khat ah an ralkap an tang ti hna i, cikhat cu an thawng' a ti.
'Asinain kan neih tuk cang hna' tiah a chim chih. General Rasool nih cun 'lam ah hmai tonh in kan i kah cu a tihnung ko. Asinain ISIS thazaang a zor chin lengmang cang. Kan ralkap nih an umnak kua tiang an luh hnawh chin lengmang cang hna. Kan thencheu thluahmah cang hna' tiah a chim.
Operation Inherent Resolve commander General Stephen Townsend nih a chimmi cu 'August 2014 khan US hruainak in raltuknak vanlawng in voi 10,000 leng kan kah cang hna. Cun Iraq ralkap 70,000 leng training kan pek hna i, a herhmi raltuknak thilri kan pek hna. Federal police he bawm in thlithup in cozah inn kip ah ISIS kan kawl hna' a ti.
Mosul ah raltuknak nih a hrenmi mipi hi 750,000 leng an si. Dinti an har, rawl ei awk an harsa, gas zong an harsa hna, sidin awk an harsa hna etc. UN leiin bawmhchanhnak lam an kawl cuahmah lio a si. ISIS lei nih inn a khangh lengmang hna. Meikhu nih phenh hna seh law raltuknak vanlawng nih kan hmu hna hlah seh an ti. An thluak in rian an tuan cang. Ref: The Express.
Kim Jong-un Nih A Senior Security Upa Panga A Thah Than Hna
--------------------------------