ISIS cu Mosul ah kan hren cang hna. An chuahnak ding lam a um ti lo. An dawng tein an thi cang lai tiah US envoy Brett McGurk nihin ah a chim. Zarhpini ah Iraq ralkap nih Mosul lam pi pakhat an kham cang. Atu lio ISIS a tangmi hi Mosul khua thing le pawngkam hranwghrang lawng ah an si cang.
Nizan ah Mosul in chuahnak lam pi cu Iraq ralkap nih an kham cang tiah US envoy Brett McGurk nih a chim chih. An chuahnak ding an kham kanh dih cang hna caah ISIS ralkap a tangmi paoh cu kahin an thi cang ko lai. ISIS teinak tiang lawng hi kan duhmi a si lo. Kan luatter hrimhrim fawn hna lai lo' a ti.
US raltuknak vanlawng cawlcanghnak zong a thangthat. Dong loin ISIS a phomhnak ah a biapi taktak hlawhtlinnak an chuah pi a ti. Atu lio ISIS hmunkhur ah a tangmi mipi hi 600,000 hrawng an si. A chim thanmi cu 'kan raldohnak hi a fawn lo. Mipi lak ah aa thupmi raldoh cu a har taktak a ti.
An phaw ah mipi an hman hna; lam ah a thli in bom an chuah; motor ah bom an chiah. An thluak dih-umnak in a kan doh i mipi kan khawnden sualnak hnga lo ding ah kan i ralring tuk. Asinain ISIS thazaang a der tuk cang. An i thenthek tuk cang timi zong kan theih cang. ISIS an thih rang chin lengmang ko cang lai tiah a chim. Ref: The Express.