Kawlram ah an buai pi ngaimi cu rul cuk hi a si. Kum khat ah rul nih a cukmi hi 10,000 leng lengmang an si i, cu chungah minung 500 lengmang an thi. A hleiin lothlo nih an tuar khun. Cu lawng si loin rul nih a cuk cangmi cu an dam hmanh ah kal a dam kho ti lo ti a si. Nunchung ti awk in a kuahter cang hna.
Kawlram ah rul a tamnak ruangah cu lo kip ah zu an tam i, zu seh duh ah rul zong an tam ve. Mah caah Kawlram ah rul an tamnak a si. Lothlo pawl caah cun himnak a tlawm tuk. Rul nih a cuk hna tikah an rannak in sizung ah kalnak an ngeih lo tikah cheukhat cu vanchiat ah an thi thai hna; cheukhat cu saupi an kuah hnuah an dam nain an kal a dam kho ti lo.
Rulcuk in a dam thanmi zong dam tliang ti loin nunchung a kuah cangmi zong an um hna. Cuticun Kawlram hi rul cuknak in a thimi an tam tuk lengmang. Rul nih a cuk hna tikah an thichuak, an taksa a phing, an puar, mahhngal lo tiang in an um; a hnuah cun an kal a tha ti lo, an cuap tiang ah ti a lut.
Rul nih cuk tikah rul sivai a dohtu suimilam pakhat in pathum karlak ah hman colh a haumi a si. Cuticun Kawlram nih rulcuk hi an buaipi ngaimi pakhat a si caah Australia leiin rul cuk dohtu doctor hna nih nihnihni ah an rak tlawn hna. University of Adelaide in rak thlahmi hna team an si.
Dr. Chen Au Peh nih a chimmi cu 'rulcuk tikah a rannak in bawmhnak an herh. Asinain sizung he aa hlatnak a ummi an si caah rul sivai dohnak si ser ning le chiah ning kan chim hna. Sizung riantuantu he zong in zeitin dah thawng chin lengmang in an doh khawh lai timi kan ceih chih hna' tiah VOA sinah a chim.
'Doctor nih zulh dingmi, chek ning cang le a dangdang zong kan serpiak hna. Cun health care lei tuanvo latu dingmi minung 200 training peknak zong kan ngei. Kan cawnpiakmi hna hi an hmailei ca tiang ah santlai ding in kan duhmi a si. Hmun dangdang zong hi zulh cio ding in kan pekmi hna a si' tiah a chim chih.
'Rukcuknak a tongmi hna hi a sifak bikmi an si. Sizung an um tikah an liammi a tam i, thla tam chung an hmuhmi naak in an dihmi a tam deuh. Cu chungah an chungkhar zong an rak harsa tuk cang. Rulcuk cu an nunchung ca tiang in harnak a petu hna a si tiah a chim chih. Ref: VOA News.