Australia Anglican Khrihfabu (Church) cu hngakchia sex tuah pi ruangah minung 11,00 leng nih an phunzai hnawh cang hna. 1980 in 2015 tiangah Khrihfabu chung riantuan upa sual an puhmi hna hi 569 an si i, cu chungah Khrihfabu tlanngbawi riantuantu upa 247 an tel.
Catholic Khrihfabu nih an i phuan chihmi cu kan 'Khrihfabu a minchia sual lai tiah sex tuah pi a tongmi hmurkaa phih kan i zuam lengmang' tiah a chim chih. 'Hi bantukin sex tuaitam a tongmi hna hmurka kan phih lengmangmi hna nih ka ning a ka zahter tuk hringhran' tiah Melbourn Archbishop Philip Freier nih a chim.
A chim thanmi cu 'sex tuaitam a tongmi hna nih an chimmi ruah tikah ka ngaih zong a chia i ka ning zong a zak tuk. Khrihfabu minchiat phenh duh ah an authawng an rak thahpiak lengmang hna' a ti. The Royal Commission into Institutional Responses to Child Sex Abuse nih atu hi an hlathlai cuahmah lio hna an si.
Kum 35 chungah Catholic Khrihfabu riantuantu upa nih sex an tuaitammi hna hi an zate in minung 4,400 leng an si. Sex an tuah pimi hna hi kum 11 hrawng minung lawng te an si i, cu chungah 75% hi pa hngakchia an si i a dang cu nu hngakchia hna an si.
Newcastle bishop Greg Thompson cu nilini ah a rian in aa phuak. Hi bantuk thawngpang nih ka ngandamnak a hrawh tuk. Ka phur kho ti lo tiah a rian tiang in aa phuak diam. Ref: BBC.