Tihnung video an vun langhter i ISIS nih Taluk an vun hrocer cang hna.
Tiva bantukin nan thisen kan in luanter cang hna lai an ti. ISIS hngakchia pa nih thongtla pakhat a thahnak video tihnung cu an vun langhter i, Taluk zong kan in thah hna lai. Nan thisen kan luanter ve lai tiah an vun hrocer cang hna.
Tiva bantukin nan thisen kan in luanter cang hna lai an ti. ISIS hngakchia pa nih thongtla pakhat a thahnak video tihnung cu an vun langhter i, Taluk zong kan in thah hna lai. Nan thisen kan luanter ve lai tiah an vun hrocer cang hna.
Video an vun langhtermi ahcun Taluk aalaan cu mei in an khangh i, hriamtlai ISIS pa hngakchia rual nih an dum dih. Cun caan tlawmpal a vun rauh in an tlaihmi thongtla cu hngakchia pa nih a thah. Hngakchia pa min cu Abd al-Rashid al-Turkistani ti a si. Thongtla pa cu a khup a bilter i mah hnuah a hnulei in meithal in a tinh i, a kah.
Camerca hmaiah bia a vun chim than i, Taluk cungah ral kan tho cang timi a vun thanh. 'Oh, Taluk hna, midang nih an chimmi a thei lomi hna! Kanmah cu Islamic state raltho kan si. Nan sinah kan ra lai i, kan biachimnak lei hriamnam in bia kan in ceih hna lai. Tiva bantukin nan thisen kan in chuah hna lai. Midang nan namnehnak lehrul kan in cham ve cang hna lai' tiah a chim.
Video ah cun Taluk, Uighur raltho miphun an lang. Kum tampi chung Taluk nih thawlmi Uighur miphun hi buainak a chuah fatin mawhchiat lengmangmi an si. Uighur miphun hi Islamic raltho he aa pehtlaimi an si. Taluk in nitlak lei kam Xinjiang hrawngah a ummi hi an buai lengmang. Taluk nih cun Uighur an si tiah an mawhchiat lengmangmi hna an si.
Xinjiang kongah expert pakhat Dr Michael Clarke nih a chimmi cu 'Uighur nih ISIS an tan pinak hna a voikhat an vun phuan a si' a ti. Taluk nih aa ralrin ngai a hau. ISIS nih an doh dingmi hmuitinh ah an chiah cang hna' tiah a chim. US nih 2016 ah thawng a thanhmi chungah Uighur miphun chungin minung 100 leng nih ISIS an fonh cang hna a rak ti. Taluk nih an buai pi ngaimi hna an si. Ref: The express.
Conor Nih Floyd A Ngamh Ahcun Boxing Hi Nihchuak A Si Hnga!
----------------------------------------