Thil thei (expert) nih an chimmi cu North Korea nih US ralkap umnak Hawaii a kah lai tiah an phuan. A rauh hlanah US ralkap hmun kah khawhnak thil ti khawhnak zong an ngei lai an ti. Institute for the Analysis of Global Security ah director a tuanmi Ariel Cohen nih US sinah a tanglei bantukin ralrinnak a chim.
Hawaii ah US nih missiel runvennak an chiahmi hi US ram runvennak tuanvo ngei (Dapartment of Defence) nih an tharchuah a hau. Kan Island Hawaii hi Norh Korea hruaitu Kim Jong-un nih kah ding in aa ruah chih peng cangmi a si a ti. A chim thanmi cu 'North Korea nih intercontinental ballsitic missile (ICBM) a ngei deng cang lai.
Kum 5 in 10 karlak a si lo hmanh ah tuan deuh hmanh a ngei cang lai. N. Korea nih ICBM ser aa lim ahcun US caah a tihnung zungzal cang lai. A duh tik paoh ah a kan kah khawh cang. Cucaah N. Korea nih ICBM a ngeih tiang hi maw kan hngah ko lai? Hngah awk a tha ti lo. Kan ram runven loin maw Europe ram kan runven hmasa lai? tiah biahalnak zong a tuah.
US nih atu lioah an ngeihmi missile runvennak system hi Aegis a si i, an raltuknak tilawng ah an hman hna. Vawleicung ah a sangbik runvennak system a si tiah an ruah. Hawaii ah an hmanmi pawl hi cu a hneksak cuahmah hna an si. Cohen nih a chimmi cu 'Hawaii missile runvenak zong hi hman awk tha ah tharchuah cang u tiah ralrinnak a pek hna.
An tharchuahnak ding ah $41 million hrawng a dih lai. Cohen nih a chim thanmi cu US ralkap Inn pi tangka hman he zoh chih ahcun $41 cu a tlawm tuk a ti. Nizan nikhatni ah North Korea nih missile pali a hneksak hnu cun US official upa an um thiam ti lo. A hneksakmi chungah pakhat paoh cu ICBN a si ko lai an ti. Trump zong nih N. Korea cungah zei bantuk policy dah kan ngeih lai timi a zoh pi cang hna. Ref: The express.