Ruah lo piin WWE Star Paige sex tape a rak chuak. A hmanthlak zong an chuak i, a video zong an chuak. Paige nih a chim ning ahcun keimah theih lo le hnatlaknak tel loin ka phone chungin an ka firpiak i online ah an tar a ti.
Wrestling uartu (fans) pawl cu an thinhung kho tuk hna. NXT championship taisawm cungah an tuah lio video le hmanthlak tbk zong an lang len hna. Mipi leiin lehrulnak an rak chuahmi hna cu 'taisawm kha a thurhnawm cang. Mei ah khaang lawlawn cang hna seh' an ti.
An chim thanmi cu 'kha taisawm a cotu nih an hnam duh ti lai lo. A thar hrimhrim in an tuah than a hau cang' an ti. Bia fakfak in an hlinh cio. Asinain Paige nih a chimmi cu 'keimah theih loin an ka firpiakmi a si. Vanchiat ah keimah theih loin social media ah an rak chuahmi a si' a ti.
Paige a nu Saraya Knight zong a thinhung ngai. Ka fanu video le hmanthlak a chuahpiaktu nih an tuar lai. Ka pasal le keimah nih 100% in kan fanu kan dirpi. Kan fanu palh a si lo. Midang nih an chuahpiakmi a si tiah a chim. Sihni zong pehtlaihnak an tuah cang hna. Ahodah an si timi zong an theih pah cang.