President Trump nih President a tlin thla khatnak ah Yemen hmunkhur Al-Qaeda tapung kah ding in hnatlaknak
a tuahpiak hna i, tapung va kah ding in an ralkap an thlah hna. US ralkap pakhat Senior Chief William Ryan Owens a thi. Mipi 29 an thi i, tapung 14 an thi. Trump cozah hruainak ah US ralkap a thi hmasa cemmi a si.
a tuahpiak hna i, tapung va kah ding in an ralkap an thlah hna. US ralkap pakhat Senior Chief William Ryan Owens a thi. Mipi 29 an thi i, tapung 14 an thi. Trump cozah hruainak ah US ralkap a thi hmasa cemmi a si.
Inn Raang nih cun tapung kan dohnak ah teinak kan hmu an ti, asinain Ryan chungkhar cu President Trump cungah an thinhung tuk. Ryan pa Bill Owens hrimhrim cu Trump cungah a lungfak tuk. Yemen in US ralkap an rak kir lioah Trump nih a don hna i, Ryan ruak zong an rak tlun pi. Ryan nih cun Trump ton zong a duh lo. 'Tapung kah ding in a thlahmi hna cu hruh biachahnak a si' a ti.
Ka fapa thihnak hi hlathlainak zong tuah hna seh tiah Ryan pa Bill Owens nih a chim. A chim thanmi cu Trump nih ka fapa thihnak hlathlainak tuah zong a duh lo. Ka fapa thihnak hnulei phen ah aa thup' a ti. March 01 ah Congress ah President Trump cu bia a chim i, Ryan pa cu a ra duh lo. Ryan nupi cu a rak ra. A voikhatnak Congress ah bia a chim a si.
US Congress Hall pi cu kutbeng thawng lawng tein a thang. Asinain Democrats mithmai cu an panh lo taktak. Vice President Mike Pence le House biachimtu Paul Ryan nih Trump a hnuin an thut pi i, kutbengh ah a tu le atu an dirpiak lengmang. Republican upa hna cu lunglawmhnak le kutbengh lawng tein caan an hmang hna.
Tapung dohnak ah US ralkap a thimi Ryan Owens kong a vun chim hrimhrim ahcun kutbengh thawng cu a tur in a tur. Ryan nupi Carryn Owens cu a mitthli a tla thluahmah. Trump nih a chim thanmi cu 'zeitik hmanh ah kan philh ti lai lo. Ryan cu kan ram runvennak le kan mipi runvennak ah a thimi a si. Bible nih 'Mi nih a hawile caah dawtnak ngan bik a ngeih khawhmi cu an ca i a nunnak pek hi a si' a kan ti (John 15:13). Ryan hi a hawile ca le kan ram ca le kan miphun caah a nunnak aa pemi a si a ti.
Bible caang in thazaang peknak a vun chim cu Congress Hall pi cu kutbenghnak in a khat dih. A tur in an tur. Ryan nuhmei Carryn Owens zong mipi lakah a dir ve i, van lei zoh in a mitthli a tla thluahmah. Kutbengh thawngpang a than tuk caah Trump nih a vun peh thanmi cu 'na pasal Ryan kutbenghpiaktu an tam tuk i Ryan zong aa lawm tuk lai. Kutbenghpiaktu tambik a hmumi a si' a vun ti i, an ni thluahmah hna. Carryn Owens zong cikhat te cu a vun ni kho than ve. Ref: CNN.
ISIS Hruaitu Nih Sunghkhannak Bia A Chim Cang!
-----------------------------