President Trump nih nikhatni ah mipem le US luhnak kongah min a thut than rih lai tiah
US Media pakhat nih a report. Tuan deuh ah Muslim ram sarih khamnak min a thutmi cu US Federal Court nih an phihpiak. Asinain Campaign ah a chim bantukin US ram himnak caah cun a lungdong rih lo.
US Media pakhat nih a report. Tuan deuh ah Muslim ram sarih khamnak min a thutmi cu US Federal Court nih an phihpiak. Asinain Campaign ah a chim bantukin US ram himnak caah cun a lungdong rih lo.
Tu zarh chungah The Associated Press nih a report mi cu nikhatni ah min a thut dingmi ahcun Iraq aa tel ti lo, asinain tuan deuh ah aa telmi dangdang cu an i tel ko lai tiah a tial. January ah Muslim khamnak min a rak thutmi ah aa telmi ram hna cu Iraq, Iran, Libya, Somalia, Sudan, Syria le Yemen hna an si.
Hi ram pawl hi tapung riantuannak a tamnak bik ram an si tiah a hlei in phenheimi ram an si. Min a rak thutmi ah aa tel chihmi cu US Refugee Program a si. Muslim ram biapi khamnak min a rak thutnak ruang cu tapung riantuannak an tam tuk tiah Trump nih a ti.
Asinain Airport kip ah buainak le hnahnawhnak a chuahter tuk caah 9th U.S. Circuit Court of Appeals nih President minthutnak cu an rak phihpiak. Politico nih naite ah a tialmi cu President Trump nih a thar in min a thut than lai tiah zumh a si tiah a tial ve.
President Trump nih Muslim khamnak min a thut hnu in ramdang in soiselnak a tong ngai, asinain naite ah poll nih a langhtermi cu American mipi cheu hnih ah cheukhat nih Trump riantuan a tha ko tiah an dirpi a ti. Soiselnak a rak tong ngai ko nain American mipi tam deuh nih an rak dirpi ko. Ref: VOA News.
President Trump Tanhtu Le Dohtu Hitihin An Si Ko Cang!
----------------
--------------------