Canterbury Archbishop Justin Welby le UNHCR Special Envoy Angelina Jolie cu Lambeth Palace ah tonnak an ngei i, refugee kong le ral ramchung i sex leiah tuaitam a tongmi hna kong tbk ceih tinak an ngei.
Archbishop Justin nih an i tonnak hmanthlak cu twitter ah a vun tar len hna. A chimmi cu 'UNHCR Special Envoy Angelina Jolie he kan i tonmi cu ka caah a sunglawi ngaimi a si. Refugee buainak kong, Sudan ram kong le sex tuaitam a tongmi hna kong kan ceih' ti.
Khuaruahhar nu a si. A riantuannak zong upat awkthlak a si' tiah a thangthat len. 'A riantuannak ah caan a pek, a thazaang a pek, a nunnak thap tiang in rian a tuan. Thangthat awkthlak ngai a si ko' tiah a chim chih.
Asinain belte in cheukhat nih cun Hollywoord Superstar Angelina Jolie cu an soisel ngaingai. Rev. Justin hmaiah a thilhruk aa dawhcah lo an ti. A angki thlam in a chunghlei thil a rak langmi cu aa dawhcah lo ngai. Reverend hmaiah cun dawhcah deuh in a um awk a si an ti. Ref: The sun.