Europe in chaklei ram Eskonia ah chiahmi Europe ram vengtu hna NATO ralkap sungthoh awk ah Russia President Putin nih sungthoh ngaknu a thlah hna tiah chunglei kong thei nih an phuan. Daily mail nih a report mi cu Europe in nichuaklei ram NATO cu Russia sungthoh kongah nan i ralring lai tiah ralrin an pek hna.
NATO upa nih ralrinnak an pek chihmi hna cu 'Russian ngaknu muidawhdawh nih an in kawmh hna tikah nan i ralring lai. A hleiin a vakvai deuhmi ralkap upa nan siah ralkap dangdang nan siah ngaknu he nan i ton tikah kan NATO ralkap information kongah nan i ralrin lai an ti. Local cozah riantuantu tbk zong Russia nih an hman khawh chihmi hna an si a ti.
Ralkap chung ralkap nu an siah ralkap dangdang an siah mino deuh paoh cu nan i ralring lai tiah an chimh chih hna tiah Daily Mail nih a report. British sungthoh M16 le NATO sungthoh bawmh in Russia sungthoh ngaknu hna kong an theihmi cu an hlathlai cuahmah lio a si. Russian sungthoh nu hi vawleicung ah tihnung cem ah an ruahmi hna an si.
Russian sungthoh ngaknu nih an hmanmi thilri hi a sang ngaimi an si. Midang nih phone an hmanmi zong a thei kho i, a tlai khomi an si tiah report nih a chim chih. Estonia ah British ralkap zong an rauh hlan zarh chungah an kal lai. Russia ralkap cawlcangh biatak in kan zoh hna a hau tiah NATO Defence Secretary Sir Michael Fallon nih a chim.
A chim thanmi cu 'Poland le Romania zong ah kan ralkap kan thlah chap hna lai. Kan hawile hnangamnak ding ahcun Russia kham khawh hi a si. NATO kan dirhmun a thawn ahcun Russia cu kan kham khawh ko lai tiah a chim chih. Ref: The Express.