Taluk nih US democracy an vun pomhpiak cang hna. Cu hlanah cun Taluk hi human rights buarnak kongah US nih a tlangtlak lengmang cangmi a si. Asinain US human rights buarnak a hlathlaitu bu Taluk State Council nih 'US democracy hi lih le hrokhrol lawng tein a khatmi a si. US thimnak zong nihchuak-capo seihnak he aa lo' tiah an vun phomh ve hna.
Kum tin in Taluk State Council Information Officie nih US human rights buarnak a tawinak in an chuah tawn. US nih Taluk human rights buarnak an soiselmi lehrulnak caah an chuahmi a si. Tu kum zong ah an vun chuah than i, zeitluk in dah US political system fih a nun i a thurhnawmh timi an vun langhter. An biahmaithi an tialmi cu '2016 US thimnak cu lih le hrokhrol lanwg te a si; nichuak-capo zong a lo' an ti.
An tial thanmi cu 'tangka politics le tangka duh ah nawlngeihnak aa cuhmi' an ti. Ramkhel covo (rights) zong US ah a him ti lo. Chunglei in thurhnomhnak le lih le hrokhrol in a khat cang. Vawleicung caah human rights biaceihtu bantukin nan i umter i, nan ramchung le ramleng kip ah human rights buarnak lawng tein nan khat cang' tiah ramchung in ramleng an cawlcanghnak tiang an vun langhter.
An peh thanmi cu 'ramdang kha uman rights nan buar tiah nan kutdong in nan sawh hna, asinain nan human rights buarnak le buainak hmanh nan i zoh lo. US ah zeitluk in dah miphun thleidannak a um; mirang nih minak kahnak a um lengmang; hngakchia, nu le tar hna ningcang loin nan tuahto lengmang hna. Nanmah te cun human rights kilvengtu nan i ti i, nan tuahsernak tha lo vialte nih thang deuh in bia an chim; an ti.
US Foreign policy zong an vun phomh than. Iraq, Syria, Pakistan, Yemen le Somalia tbk ah zeitluk in dah human rights nan buar i mipi harsatnak nan pek hna. Human rights hi nan ke in nan cil chih tiah fak ngaiin an vun phomh hna. An tial thanmi cu 'US human rights buarnak kong kan tialmi hi hrihram hmanmi in kan lakmi an si' an ti. Cu hna cu CNN, BBC, Washington Post le News York Times le The Guardian.
Tom Phillips nih cun 'kha bantuk media nih an chuahmi ah khan a hmaan lomi thil tampi aa tel. US thimnak kong zong ah thleidan hmang media report le catial tampi an um. Media dirhmun le phung (ethics) pial tak in chambaunak a langhter lenmi hna an si' a ti. Ref: The Guardian.