March 3, 2017 ah Atletico Madrid Liga le Deportivo La Coruna bawlung an chuih i, Atletico Madrid striker
Fernando Torres nunnak a liam dengmang. A hawile Gabi le Sime Vrsaljko nih a rannak in rak zuannawh manh hna hlah seh law bawlung kun chungah a nunnak a liam lai.
Fernando Torres nunnak a liam dengmang. A hawile Gabi le Sime Vrsaljko nih a rannak in rak zuannawh manh hna hlah seh law bawlung kun chungah a nunnak a liam lai.
Deportivo leiin Alejandro Bergantinos he bawlung an suknak ah an luh fak tuk in an i su i, Fernando Torres cu vawlei ah a va nok rih. Vawlei ah a lu a sukmi zoh ahcun a hngawng hlah maw a kiak ti awk in a um. Hma khat te ah mahhngal loin a um colh.
Cun Torres cu a chunglei in a lei a rak dawh thluahmah i, a hawile pahnih Gabi le Sime Vrsalko nih a rannak in an zuan hnawh i Torres kaa cu an purhpiak i a lei an dawhpiak.
A caan hmaan tein an hawipa lei cu an dawhpiak manh caah doctor pa zong nih a thangthat len hna. 'A caan te ah nan khamh manh' tiah Doctor pa Carlos Larino nih a hawile pahnih cu a thangthat hna. A rannak in sizung ah an tlik pi i, a lu aa khawn an ti. Asinain atu cu a tha ngai cang tiah sizung lei nih an chim.
Liverpool le Chelsea striker thing Torres zong nih a hnuah twitter in lunglawmhnak ca a rak tial. 'Ka zawn a ka ruattu le thazaang a ka petu vialte nan cungah ka lawm tuk. Ka rak kir colh tiah ka zumh' a ti.
Torres a vun tluk in mahhngal loin a vun um hrawnghrang cu Torres manager le a team hawi vialte cu an thinphang dih. Boss Diego Simeone nih lentecelh a dih hnuah a chimmi cu 'Torres a lungfim cang. A lu aa khawn i mahhngal loin a um. Kan thinphang tuk hringhrang. Fernando Torres damnak caah duhsak nganpi kan ngeih' a ti. Ref: The sun.
"Obama A Ra Than Lai"
-------------------------