Thisen Der Nih Cun Zoh Bak Lo Ding (Video He)

Daring Oleg Sherstyachenko 26 nih inn sang taktak cung i zingka eksaisai a tuahnak video a rak tar i, a lar kho tuk; cheukhat cu an zohnak hmanh in an thih kho tuk. Socia media kip le hmun kip ah a video an phan dih manh. Cheukhat nih cun hruh ralthat a si. A molh tuk bia a si an ti. 

Tla sual seh law vawlei a phak ah khin cun a taksa vialte a man dih ding a si. Inn cung i eksaisai a laknak le aa hlawh-pernak hi vampang par ah a si i, a tanglei zoh ah hin tih a nung i thling a za kho tuk. A thi niammi caah cun tha a ther.

Asinain vampang benh an tuahmi donhhlei zong ah a chukbiling in aa um chel, aa thlai chel le a zuan i a per chel a si. A video phaknak kip ah cun social media kip ah Daring Oleg Sherstyachenko kong lawng te tial le ceih a si. Cheukhat nih cun 'na molh tuk' an ti; cheukhat nih 'na thi sual lai' an ti.

Na thisen a der ahcun zoh hlah!

Cheukhat nih cun 'i zuam chin lengmang ko' tiah an forh lehlam. Zeiruangah dah hi tiang in na tuah? Zeidah an mongtu a si an ti i, a lehmi hna cu 'computer game he kaa tahchun. Asinain kahin cun palhnak a um ahcun ka lentecelh thok than awk a tha ti lo' tiah a leh hna. 

A chim thanmi cu 'tihnak hi kan ngei dih hna. Asinain tihnak hi kan ton a hau. Kan ton taktak ahcun a sawhsawh te khi a si ko. Ka tihnak hi video le hmaanthal ah langhter ka duh lo. Hmun sang hi ka ngamh. Ka Instagram hawile nih zeitin dah an chim cio hnga timi theih duh ah ka tuahmi a si' a ti. Ref: The sun.