'Sign of the Times' album chuah aa timmi One Direction Band Star Harry Styles video zeihnak hmanthlak le video an rak chuah len cang. Fan pawl cu an i ngaih tuk cang. A video zeih ning le zeihmi zong a ropui ko kho ti an ti.
Helicopter in an vun tlau hrimhrim ahcun tih zong a nung pah. Tuan deuh ah khan a fan pawl sinah a rak chimmi cu 'ka hla chuah dingmi caah video kaa zeih lai. Khuaruahhar a si ko lai' tiah a lungthawhnak le aa hngahhlaangnak a rak chim cang.
April 7 2017 (Ningani) ah a chuah cang lai tiah zumh a si. Video aa zeihmi hmanthlak zong a fan pawl caah twitter le Instagram ah a rak thlah len hna. Pakhat cu ti cungah a thut lio hmanthlak a si i, a dang cu helicopter in aa zeihnak an si.
Hri in an thlai i helicopter nih a zuan pi. Thisen der hna caah cung shok zong ngah a fawi lai. Zoh sawhsawh hmanh ah tih a nung. 'April 7 2017 ah Sign of the Times a chuak lai' tiah twitter ah a rak tial.
'Sign of the Times' hlaphal a chuah dingmi cu a tha ngamsam ko lai tiah an hngahhlaang hringhrang cio ko hna. Atu lio hlasak thiam ahcun an uar bik a si ko lai. Snow Patrol star Johnny McDaid nih a chimmi cu 'atu lio hlasak thiam ahcun khuaruahhar bik a si ko.
A aw hrimhrim a tha kho tuk. Kum tampi chung hla kan tial ti cang i khuaruahhar a si ko' a ti. 'Hlasak thiam hrimhrim hi aa chuahkeh pimi thiamnak a si. Vawleicung khuaruahhar in a tuah te hna lai' tiah a chim. Ref: The sun.