John Buswell, 66 cu TV a zoh i a nupi Janis 64 cu an ngeih dingmi an tupa/nu te caah sweater a tak. Cu lioah misual pahnih nih an rak luh hnawh hna i, tangka an hal hna. A tem dih hna i an hren hna. Suimilam pahnih deng tiang an hrem hna.
Kent i Halstead biaceihnak zung ah misual pahnih nih an chimmi cu 'tisa tlok kittli (kettle) pahnih khat in Mrs Buswell kan toih' tiah an phuan. An chim thanmi cu 'na kut caang kan in tan lai i, na mit kan coih lai' tiah kan thihpheih rih ko' tiah an chim.
A pasal Mr Buswell zong a tlokmi kittli khat an toih ve. A hmaiah voi tam ngai an thongh rih. Na hnakhaw zong kan in riam lai tiah an thihpheih. Mah lawng si loin thil teihnak (Iron) in kan i teih hna lai i namte in kan in sawh rih hna lai tiah an thihpheih rih hna.
Fak tuk in an hrem hna hnuah £50,000 an firpiak hna. Kacey Adams le Daniel Wallace cu Dubai ah an zuang i nuamhseihnak in caan a va hmang. Asinain police nih an rak bawh ko hna. Dubai ah caan an hman i an tangka an hman cikcek hnuah an rak kir than i London i Heathrow Airport ah Police nih an rak don hna.
A tum hmanh an tum hlanah Police nih vanlawng chungah an luh hnawh hna i, an thutnak hmun ah an kut a va tem hna. April 26, 2016 ah an ramh hna i Dubai ah caan an va hmang i, £18,000 an hman hnuah May 2016 ah an tlaih hna. Minung pakhat Drew Morris zong an tlaih chih.
A tum hmanh an tum hlanah Police nih vanlawng chungah an luh hnawh hna i, an thutnak hmun ah an kut a va tem hna. April 26, 2016 ah an ramh hna i Dubai ah caan an va hmang i, £18,000 an hman hnuah May 2016 ah an tlaih hna. Minung pakhat Drew Morris zong an tlaih chih.
Police nih vanlawng chungah an luh hnawh hna lio
An ramhmi John Buswell le Janis cu an thi lo. Asinain Janis cu a thin a tha ti lo. A pasal John zong mei hma in a pum a khat cang. 'Hi misual nih a kan tuahto ning hi chim awk hmanh a tha lo. Sual vialte lakah sual bik a si lai' a ti. Biaceihtu Gratwicke nih 'pengsen in a nung cangmi nu-va nunnak nan hrawh cikcek hna' tiah a ti hna. Ref: The sun.