ISIS nih France khuapi Paris an tuk than. France hi ISIS kut in a him lo chin lengmang. 2015 hnuin ISIS kut in a thimi hi minung 238 leng an si cang. ISIS tuknak in a thih tam cem an si lai. Tu ni zong ah Paris ah Police pakhat an thah.
ISIS leiin an chimmi cu 'kan ralkap nih Paris an tuk than hna' tiah an chim. Police officer pakhat a thi i, minung pahnih an i hliam. Police nih an chimmi cu minung pakhat lawng a si mi meithal pu nih mipi a kah hna i a zam. Kan dawi i kan kah ve' tiah a chim.
Mr Branddet nih a chimmi cu 'Police Bus hnulei in motor a rak ra i minung pakhat rak chuak. Meithal aa lak i Bus cu a kah hna' a ti. Police officer a thah hnuah tlik aa tim i police nih a kah ve. Ahodah a si timi zong kan theih cang. Asinain kan phuang rih lai lo' a ti.
ISIS lei nih cun Abu-Yusuf al-Baljiki a si an ti. President Trump nih 'kan i ralrin le kan thawn a hau. French mipi kan in dirpi ko hna. Tapung riantuannak a si ko lai. Tapung riantuannak hi a dong bal rih lo' tiah Inn Raang leiin a rak chim.