Zarhpini ah F-35 raltuknak vanlawng pathum cu US in Israel ah an rak phan than cang lai. Ni kum December ah pahnih cu an phan cang. Israel nih raltuknak vanlawng 50 an cawkmi chungah aa telmi panga an si. Lockheed Martin company ser an si i, an man fak cem an si.
President Trump nih cun fak ngaiin a soisel. A man fak tuk a ti. Hmailei ahcun a man thla than te ko lai tiah company lei nih an chim. Israel hi kum tin in US nih $ 3 billion lengmang in a rak security caah a bawmh hna. Ramdang zong nih cawk an duh ngaimi F-35 a si i, Israel hi US dah ti lo cu F-35 a ngei hmasa cem an si.
Israel nih an cawk cangmi hi 33 a si cang i pakhat ah $110 hrawng an si. Israel an phanh hnuah a chung thilri an chap than i F-35I tiah an auh. A chung thilri an chapmi chungah aa telmi pakhat cu missile hrialnak system a si. Ral ram an kal i missile in an rak kah hna tikah hrial khawhnak thilri an chiah.
A ran ah hin suimilam pakhat chungah meng 1,200 hla a zuang kho. Zan zong ah khua hmuh khawhnak le thilri dangdang an ngei rih. F-35 Stealth Fighter an timi hi a rak mak tuk. A thilri hrimhrim an tha i, a rak sang tukmi ralruknak vanlawng a si.
December ah an rak tlun pimi pahnih cu zanlei suimila paruk hrawng ah Israel an phan. Itlaly hrawng an phak i khuacaan chia khuadawm nih a kham hna i an tlai. Lockheed company official nih an chimmi cu 'vanlawng chambau ruangah si loin Italian Air zuannak phung ruangah a si a ti. Ref: TOI.