Hlasak thiam zong a si i, muidawh-tawk tha an simi minthang Jennifer Lopez cu tlangval thar te Alex Rodriguez he a um than cang. The Ellen Show ah voikhat a rak lang i biahaltu nih an zan khatnak caan hmaan tinak kong a hal i fiang ko in a chim.
Tu kum hramthok hrawngah khan cun Canadian hlasak thiam Drake he an i duh i social media kip ah an lang i an lar ngai, asinain caan zeimawzat a kal tlawmpal ah tlangval thar a ngei than. A tlangval thar hi hlasak thiam cu a si lo nain Baseball Star Alex a si.
Hlasak thiam nak cun Baseball lei minung an thawng deuh kho men. The Ellen Show ah cun Ellen DeGeneres nih bia a hal. Biahaltu zong a thiam i Lopez zong thuhmi ngei loin a tlangval he caan hman tinak fiang ko in a chim. Ellen nih a thawh i, Jennifer, 'nan zan khatnak caan hman zeitin' tiah a hal.
Muidawh nu Jennifer nih 'Mama, a zan khatnak ahcun tam tuk i hngilh ding a si lo' tiah a leh. Kan i hngilhmi naak in kan caan hman ti a tam deuh ti sullam theo a si lai. 'A tha tuk' tiah Ellen nih cun nih pah in a vun leh. 'A hmaanmi a si' tiah Jennifer nih a vun ti than ve.
Kan hnu thla te khan hamnak an tuah. Atu tiang cun an karlak thil kal ning a tluang. An zoh thla hna i, an nu-pa hrimhrim in uar an um tuk an ti hna. Ref: The sun.