Muidawh - tawk tha social media siangpahrang nu Kim Kardashian cu soisel a tong ngai. Thil a cawngianak ah mino pawl zong drug ei a forh chih hna. A lukhuh a cawngiami cungah 'Never Not High' tiah a tial. A phone phaw cungah cun 'Sorry I was high' tiah a tial.
Drug nih a ei cangmi zohkhanh leiah expert a simi Joe Heeney nih cun fak ngaiin a vun sik. 'Uk i a fans hna sinah hi bantuk thil tuah hi drug ei a thatnak conglawmh bantuk a si. Mino vialte an lungtho lai i, druh hnah (cannabis) an ei dih lai' tiah fak ngaiin a chim.
A chim nolhmi cu 'Kim Kardashian nih zeidah ka tuah ti hi tha tein a ruat lo. Million in mino a hrawh hna lai tiah a chim chih.
Kim Kardashian hi twitter le Istagram ah zultu 51 million a ngei. Drug lei spcialist Dr Adam Winstock nih a chimmi cu 'Kim nih thil ti khawhnak a ngeimi hi mino pawl sersiamnak caah a hman khawhmi a si. Zultu tampi a ngeihmi hi thatnak in mino sersiamnak caah an hman ahcun kan lawmh pi tuk lai.
Asinain that lonak leiah a hman i mino cungah thil thalo a ser ahcun mino caah tihnung ngai thil a si lai a ti. A pasal Kanye West zong naite kha £1,745 man hrawng a simi thilpuan zuar ding in a langhter len hna. West nih a chimmi cu £41million leiba ka ngei' a ti. Ref: The sun.