Jamelle Peterkin, 23 nih kum khat lawng a si rihmi a fapa te a tuahto ning nih mi vialte khuaruahar le thinhung in a tuah dih hna. A pasal nih ngaknu dang a ngeih tak ruangah a fapa te cu ningcang loin a tuahto i a video cu a pa sinah a kuat.
Biaceihnak zung ah a kong an ceih cuahmah lio a si. A pasal hi ngaknu dang a ngei i zeihmanh a tuah awk a hngalh ti lo caah kum khat lawng a si rihmi a fapa te cu a tlaih i a lu cu plastic bag in a khuh i mei in a khangh. Video a lak than i a video cu a pasal sinah a kuat.
Mei in a khangh hlanah mei aa tlaih i a fate a chimhmi cu 'na pa chim te' a ti i, a fapa kut cu mei in a khangh. Mei in a khangh i a ai lio video a hmumi kip cu an celh lo. A khangh lio video zeimawzat hna cu zoh ahhin thlingza zong an si. Zoh ahhin zaangfak tuk a si.
Platic bag in a lu a khuh ahhin a thaw zong a chuah kho lo. A fapa te a ningcang loin a tuah lio hmanthlak a kuat lioah a chim chihmi cu 'na ngaknu si ding in na ka nawl chih len hnuah hi bantukin na ka hlen lengmangmi cu ngaihchia ngai a si. A poi lo.
Pakhat le pakhat kan i hleng peng lai. Zeitluk in dah ka sin um na duh than te lai. Kan zoh tuah lai cu!' tiah a tial. Hngakchia pate a ni Ra’neicha Broadnax nih a chimmi cu 'video ka hmuh ahhin a nun ding zong ka zum ti lo.
Police zong a nung ti maw tiah ka hal hna' a ti. 'A thah cang tiah ka ruah' tiah a chim chih. Asinain atu cun Texas i a chungkhar sinah a um cang. A dam ko an ti. A nu Peterkin cu hngakchia harnak petu na si tiah taza an cuai lio a si. Ref: The sun.