Mary Christine Balagtas hi a mui zong aa dawh bak, a fim zong a fim bak i, a cawnnak zong a sang an timi muidawh siangpahrang nu (beauty queen) an tim i nu a si. Kum 23 lawng a si i, 2009 muidawh zuamnak ah pakhatnak an rak hmuh i a hmai kum nolh ah a rak hmuh than.
University of Regina Carmeli College ah sianginn a kai cuahmah lio a si. Ruah lo piin nithumni zingkaa ah a kutkhar an rak kingh. Kutkhar a onh hna. Minung pahnih an si i, pangpar le chocolates an pek i pistol in an kah colh. Minung pakhat nih motobike in a hngah hna i an tli colh.
Mary cu sizung ah an tlik pi colh. Asinain sizung an phanh manh hlanah ambulance chungah a nunnak a liam. Police Superintendent Julio Lizardo nih chimmi cu kan hlat cuahmah lio a si. A hlanah Mary he aa duhmi a tlangval thing zong kan hlat lio a si a ti.
A kaptu hna hi hlaanmi minung si dawh an lo. An kahnak hmun ah pistol pakhat kan hmuh tiah a chim chih. A hmutu nih an chimmi cu 'an kah lai hrawnghrang ah minung pahnih kan hmuh lengmang ko hna' an ti.
Herlie Rozelle Flores Vecina nih hitihin a zunngaihnak a tial: 'Tin, kan lungthin chungah zungzal in na cam lengmang ko lai. Nangmah cu kan fanu, kan farnu le kan hawi na si. Kan sianginn kai ti hawi zong na si. Kan in philh kho lai lo. Zungzal in dai tein rak i din cang ko law, kan hawi dawt' tiah catlap cungah a tial. Ref: The sun.