England i Essex lam cungah minthang hna ngaknu-tlangval pahnih cu then manh hna hlah seh law an mualpho cikcek hnga. Megan McKenna le Pete Wicks hi kan hnu zarh ah theihthiam lonak an ngei. Asinain an karlak lungtlin lonak a dih rih rua lo. A i ton cangka i an i phomh colh.
Megan nih a kut dong in leklak a sawh colh i, Pete hmai hram ah hehtiah a au hnawh. Pete nih a nemnak tein a ngaihpiak. A ngaknu thing au le phunciar nih a thinlung a khoih tuk cang i, a vun linhsat hnawh colh ve. A ngaknu thing Mega biachim le cawlcangh zoh tikah a tlangval thing Pete cung a lung a rak fak tuk.
An biaal le sinak a vun linhsat hnu cun Pete zong a dai duh ti lo. Megan thin a hung chin lenmang ve. A hnuah Pete nih a lungthin a thum than i Megan liang in a kuh i a hnemh than. Kum 24 muidawh Megan lungthin a vun hnoh thluahmah than i a mitthla a thla thluahmah than.
A dai cang lai tiah an ruah hna hnuah Megan a thin a vun hung than i a au hnawh than. Towie TV riantuantu nu pahnih nih a vun tlangtlak hna i, a rannak in a then hna. An then pah cuahmah hna bu cun an au thawng a dai kho lo. An i then a donghnak a si cang.
Kan hnu zarh ah Megan le a tlangval thing pehtlaihnak an ngei i Pete a thin hung tuk. An buai i Mega nih 'nangmah hi kan duh ti lo' tiah a rak ti. Pete nih a chim vemi cu 'kan karlak pehtlaihnak remh awk a tha ti lo' a rak ti i, tu bantuk dirhmun a phanhnak a si. Ref: The sun.