Philippine President Rodrigo Duterte nih nirukni ah US cu 'na lungtum deuh' tiah ralrinnak a pek. 'Na lung na thumh lo achun North Korea kut ah lente naa celh sual lai i, vawleicung hi North Korea hruaitu Kim Jong-un nih a donghter sual lai' tiah ralrinnak a pek hna.
US le North Korea entainak nih Asia Nichuah-Thlaang kan lungre nan kan theihter tuk. Pakhat te nan i palh sual ahcun tihnung tukmi nuclear raltuknak nih a kan tlunh lai. Nuclear raltuknak a tuar hamsa ding cu Asia ram kan si a ti. US, Japan, South Korea le Taluk nih missile hneksak a duh tukmi pa hi nan tuaitam luan sual lai a ti hna.
Atu lio Association of South East Asian Nations (ASEAN) chairman cu Duterte a si. Nirukni zanlei hrawngah President Trump he in phone biaruahnak an ngei lai. North Korea hruaitu Kim Jong-un dironh lo ding in thazaang ka pek lai tiah a chim.
Manila i ASEAN meeting hnu i conference an ngeihnak ah a chimmi cu 'US hi missile a siah nuclear a siah a duh poah in thonghtham a duhmi he lente an i celh sual cang. Kim Jong-un ruahnak hi zeidah a si timi tuaktan zong ka duh lo. A chungah zeidah a um timi zong ka thei lo.
Asinain thinphannak hmun ah kan vawlei pi a chiah cang a ti. North Korea thinhunter lo hi US rian a si. President Trump zong nih a ralkap cawlcanghter aa ralrin deuh a hau. Mah lo ahcun kut chungin an buainak hi a chuak taktak sual lai a ti.
Raltuknak hrial u a timi keimah hi ahodah ka si? Asinain Mr. President, raltuknak umter hrimhrim hlah. Kan ram le kan pengtlang an tuar tuk lai" tiah Philippine President Duterte nih a chim. Ref: Reuters.