North Korea cu mei rili nih an dum dih cang. US, Japan le South Korea nih an raltuknak tilawng, hriamnam thawngthanwg he a ramri le a rili ah eksaisai an tuah hnaw cang. North Korea ci hmih duh taktak hna seh law one-two-three ahcun an hloh khawh dih cikcek lai.
Nizan ah khan an ram thum in an raltuknak tilawng hna cu Korea rili ah eksaisai an tuah hna. Taluk le Korea karlak Yellow rili ah US raltuknak tilawng le South Korea raltuknak tilawng cu North Korea hrocernak eksaisai an ngei.
Japan raltuknak tilawng le US raltuknak tilawng US Navy Seventh Fleet zong Japan rili ah eksaisai an rak tuah ve. Zei bantuk hmanh in kan kap hna seh zeitluk rang le thawng in dah kan lehrul khawh hna lai timi thazaang kan langhternak a si tiah US ralkap upa lei nih an chim.
US Navy biachimtu nih a chimmi cu 'kan eksaisai tuahnak nih a langhtermi cu pakhat le pakhat kan i pehtlaihnak ah zeitluk in dah kan i dirkamh timi a langhter. Asia nichuah-chak ah fehfuannak umter zong kan duh i, raltuknak chuak sual seh law zeitin dah kan i runven lai i zeitin dah kan lehrul hna ning a si lai timi kan cawnnak zong a si a ti.
April thla dongh lei tiang hrawng an ngei lai. North Korea zong zeitik ah dah a nuclear le lamhla a kap khomi mssile (ICBM) a hneksak lai tiah an zoh peng ko. Ref: The sun.