Nihnihni ah Syrian uktu thalo Bashar Al Assad nih tihnung tukmi hriamnam in sualnak a ngei lomi mipi a kah hna. Amah tein runvennak thazaang hmanh a ngei lomi hngakchia hna nunnak Assad nih a hrawh hna.
Sivaidat thli thurhnawm aa hakmi cu duhsah tein an thi hna i a tihnungmi thihnak zong a si. Mi tam tuk an thi. Aa dawh tukmi hngak zong zaangfahnak um loin fih a nung tukmi kahnak ah an thi. Pathian fale nih hi bantuk hi an tuar awk hrimhrim a si lo.
Tu zan ah Syrian raltuknak vanlawng chiahnak hmun kah ding in nawl ka chuah. Kan dng in nawl ka pekmi hna hmun hi sivaidat in mipi a kaptu hmun a si. Hi bantuk hriamnam thalo in kan i runvennak ding le kan kham khawhnak ding hi US kan himnak caah a biapi tuk.
Syria nih hman lo ding tiah khammi sivaidat a hman. Sivaidat aa telmi hriamnam hman lo ding tiah international phung kan ngeihmi a buar. UN Security Council zong nih an chimh len ko nain a ngai duh lo. Kan hmuh cuahmah ko buin a ziazia a luan chin lengmang. Mah ruangah a tortor in refugee buainak a ser.
Pawngkam ram hrawng vialte fekfuan loin an um dih. US le kan hawile zong a kan hrocer. Tu zan ah vawleicung ram kan sawm hna. Kan tel pi u law Syria cozah tuahsernak thalo donghter cang hna u sih. Tapung dangdang le phunphun hna zong donghter cang hna u sih.
Kan vawlei a buai tuk cangmi ah hin Pathian fimnak kan hal. Hliamhma a ingmi caah le a thimi thlarau hna caah thla kan cam. Dinnak in America a diar chung paoh cu a donghnak ahcun daihnak le remnak nih a tei ko lai tiah kan zumh.
Mangtha u. Pathian nih America le vawleicung ram kip thluachuahnak pe ko seh! Kaa lawm!