Russian President Putin nih ti cungah a thawnnak thazaang a vun langhter than. Vawleicung ah a ngan bik raltuknak tilawng a vun phozar than. A min ah Belgorod tiah an auh i a sau ah meter 200 hrawng a si i, a thukmi rili chung hmun kip hlatnak caah hman a si lai.
Rili chungah a pil i lenglei in hmuh khawh loin ti chung in a kal khomi a si. Nuclear hriamnam zong a phur kho i, a thlah khotu zong a s. Hriamnam a fa in a ngan tiang a ngeimi raltuknak tilanwg (submarine) a si. US raltuknak tilawng USS Pennsylvania naak in meter 14 in a sau deuh an ti.
Russia nih a dang pakhat a ngeihmi hi Typhone Cruiser a si i, a thar an vun langhtermi hi meter 11 in a sau deuh an ti. North Pole rili tang i zinaan hi US le Russia nih an i cuh te lai tiah an zumh. Russian newspapers nih a tialmi cu 'rili chung thilri hlathlainak scientific thilri tling zong a ngeimi a si' a ti.
Rili uktu cu US hi an si zungzal i, an thazaang zong a thawng cem lengmang an si. Asinain Russia hi rili cungah a thawnnak a lian chin lengmang cang tiah Academy of Military Sciences ah Professor a simi Vadim Kozyulin nih a chim. Ref: The sun.