Mino nih an uar ngaimi 'Come and get it' hlasatu Selena Gomez sammeh nih a fan pawl an khuaruahharter dih hna. Zei ko dah a si hnga tiah social media cu a puah in a puak. Gomez sammeh style nih a fan pawl cu a lau zong a lauter ngai hna.
Naite ah hlasak thiam Katy Perry nih a tlangval Orlando Bloom he an i then hrawng te ah khan a sammeh style a vun thlen i a fan pawl khuaruahhar in a tuah dih ve hna. Katy Perry nih 'ka lungfah ruangah a si lo' tiah fianternak a tuah hnuah a fan pawl an hnangam than.
Kum 24 ngaknu hlasak thiam Gomez zong Perry bantukin a sam tawi tein aa tan i pirh nawn tete in a tuah hna. A tang hrawnghrang a vun langhter, ciar nawm in a sam a tuah hna. A fan pawl hna caah cun lunghrinh lo awk a tha lo. A fan 118 million leng in tamnak Instagram ah a vun tar cu an lau tuknak ah an khabe an thlak dih.
A fan pawl zong an puak chih dih hna. Asinain minung pakhat nih a tialmi cu 'hi bantukin pei tuan tein na rak meh cang ding a si cu. Naa tlak tuk. Kan uar bak' tiah a tial. 'A sammeh nih internet zong a khuai dih' tiah minung pakhat nih a tial ve. 'Rel cawk loin comment an pek asinain fianternak a tuah rih lo. Ref: The sun.