US raltuknak vanlawng phurtu le ralkap tilawng USS Carl Vinson hna cu North Korea leiah an rak phan chin lengmang cang. North Korea rili an phanh taktak ahcun US le North Korea hi an i thlahphoih sual te lai ti phan an um ngaingai ko.
North Korea nih 'ral pi a chuak lai' tiah an bawh ko hna. Hmai zarh hi Japan rili an phan lai tiah zumhh an si. An i hrocernak a dai cang lai ti lioah an linsa than lengmang. Japan le South Korea hrawng i US ralkap cawlcangh a that deuh paoh ah North Korea thin a hung lengmang.
Hmai zarh hrawng a si lo hmanh ah hmai thla hrawng in cun North Korea hi a voiruknak nuclear a hneksak lai tiah an zumh. President Trump zong North Korea cungah a khohcho chin lengmang cang. Taluk zong dong loin North Korea chap na rengh a hau a ti lengmang.
US a phan khomi missile le nuclear ser hi North Korea nih aa timh lengmangmi a si. North Korea media nih a tialmi cu 'US nih North Korea thin a kan hunter ahcun kan ralkap le kan mipi ning in dinnak ral kan tho lai. Congornak zong kan ngei lai lo. Lungrual in kan doh lai' a ti.
Taluk le Russia zong lungawtawm ngaiin an um lio a si. North Korea le US karlak entainak nih sivang in a tuah lio hna. US nih North Korea a kah taktak ahcun refugee nih tiluan in a luan hnawh ding an si. Taluk ralkap zong ramri ah a ting leng an pok i, Russia ralkap zong an tank he ramri an rak pok hna. Ref: The sun.